SALM 2 - Laibaibal Thiang (BSI)

¹ Zeiruangahdah miphun kha an thin a hun i mizapi nih sântlailo thil kha an ruah?

² BAWIPA le chiti a thuhmi ralchanh in vulei bawi hna hmunkhat ah an i tong i biaceihtu kha hmunkhat ah khua an khâng.

³ “Ra uh an i ṭêmnâk chat in sâm dih hna u sih, an hrihrual kha kan sin in hlonh u sih.”

⁴ Van i a ṭhumi a nih lai i Bawipa nih nichuak ah a saih hna lai.

⁵ Thinhung in an sinah bia a chim lai i lung silo ngaiin an van a sânter hna lai;

⁶ “Asinain ka tlângthiang Zion ah ka Siangpahrang kha ka chiah cang.”

⁷ “Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

⁸ Ka hal law, miphun kha ro ah kan pêk lai i lei dongh tiangin na caah kan pêk lai.

⁹ Thirfung in na khuai hna lai; ûmsertu bangin na khuai cikcek hna lai,” tiah a chim cang.

¹⁰ Cucaah maw siangpahrang hna, fim cang u law, vulei i biaceihtu hna chimhrin in um tuah u.

¹¹ ṭih buin BAWIPA kha rian u law, ther buin i lawm tuah u.

¹² Fapa cu hnam u, culoahcun a thin a hung sual lai, cân tlawmte a thin a hun tikah, lam lakah nan lotlau dih sual lai. Amah â hngatchanmi vialte cu mithluachuak an si.