SALM 16 - Laibaibal Thiang (BSI)

¹ Maw Pathian, ka himter ko, zeitintiah nangmah ah ka zumhnâk ka chuan.

² Maw ka nunnâk, na BAWIPA sinah, “Nang cu ka Bawipa na si, nangmah tel lo cun kaṭhatnâk hi zeihmanhlo a si,” tiah chim tuah.

³ Vulei cungah a ummi mithiang hna caah, “Annih cu miṭha taktak, kâ lawmhnâk vialte umnâk an si,” tiah ka ti.

⁴ Pathian dang â thimtu hna ngaihchiatnâk cu karhter a si lai; din awk i an pêkchanhmi thisen cu ka pe ve lai lo, ka hmurkâ in an min zong ka chim lai lo.

⁵ Maw BAWIPA, nangmah cu ka co hngami ro le ka hrai na si; nangmah nih ka covo kha na fehter.

⁶ Tahnâk hri kha ka caah ramṭha ngaimi ah a lut; asi, a ṭha tak takmi ro cu ka co ai.

⁷ Aka ṭanpitu BAWIPA cu ka thangṭhat lai; zan cân hmanh ah ka lungthin nih nun aka chimh tawn.

⁸ BAWIPA cu ka hmaiah ka chiah zungzal; amah cu ka orhlei kut a si caah kâ hnin lai lo.

⁹ Cucaah ka lungthin â nuam i ka sunparnâk kha â lawm; ka taksa zong ruahchannâk in â din lai.

¹⁰ Zeitintiah ka thlarau Seol ah na kaltâk lai lo i na mithiang thutmân kha na siang lai lo.

¹¹ Nunnâk lam cu naka hmuhsak lai, na sinah lawmhnâk tling cu a um. Na orhlei kut ah zungzal tiang nuamhnâk cu a um.