SALM 130 - Laibaibal Thiang (BSI)

¹ Maw BAWIPA, a thûk ngaimi khor chungin na sinah ka au.

² BAWIPA ka aw ka ngaihpiak law! Kan nawlnâk aw hi na hna in ka ngaihpiak hrâm ko.

³ BAWIPA, nangmah nih sualpalhnâk hna hi na chinchiah ahcun, BAWIPA, ahodah a dir kho hnga?

⁴ Asinain ṭihzah na si khawh nakhnga na sinah ngaihthiamnâk a um.

⁵ BAWIPA cu ka hngalh i ka nunnâk nih a hngah, a bia kha kâ ruahchan.

⁶ Ralvengtu hna nih khuadei an hngah bantukin, asi, ralvengtu hna nih khuadei lai an hngah nâk i fak deuh in, ka nunnâk nih BAWIPA a hngah.

⁷ Aw, Israel BAWIPA kha i ruahchan; zeitintiah BAWIPA sinah vêl a um. A sinah duh a dimmi tlanhnâk a um.

⁸ Cun Israel cu amah nih, a sualpalhnâk vialte chungin a tlanh lai.