SALM 110 - Laibaibal Thiang (BSI)

¹ BAWIPAnd nih ka Bawipa sinah, “Na ral hna na ke lamhchan i ka ser hna hlan pauh cu, ka orhlei ah ṭhu,” tiah a ti.

² BAWIPA nih na ṭhawnnâk ṭhiangthunh cu Zion in a thlah lai. Na ral hna sinah bia na ceih lai.

³ Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

⁴ BAWIPA nih chiat a serh cang i â lêt ti lai lo. “Nang cu Melkhizedek tlângbawi bangin zungzal tlângbawi na si,” tiin.

⁵ BAWIPA cu na orhlei ah a um i a thinhun ni ah siangpahrang kha a thah dih hna lai.

⁶ Mi phunkip bia a ceih hna lai i hmun kipah mithi ruak an khat dih lai, ram tampi hruaitu kha a thah hna lai.

⁷ Lamkam i tivate ti a din lai; cucaah lu cu a cawisân lai.