SALM 1 - Laibaibal Thiang (BSI)

¹ Pathian-zeiaharellomi hna khuakhân nâkah a kal lo i misual hna lamah a dir lo i nihsawhtu hna ṭhutdan ah a ṭhu lomi cu mithluachuak a si;

² Â lawmhnâk cu BAWIPA nawlbia ah a si i a nawlbia cu chun zanin a ruat.

³ Tiva kamah phunmi thingkung, a cân teah a thei a tlai i a hnah zong a uai bal lomi bantuk a si; a tuahmi thil kipah khua awng a tong.

⁴ Asinain Pathian-zeiaharellomi cu thli nih a choihmi favai bantuk an si.

⁵ Cucaah Pathian-zeiaharellomi cu biaceihnâk ah an dir lai lo, miding hna pumhnâk ah misual an i tel lai lo.

⁶ Zeitintiah BAWIPA nih miding lam kha a hngalh i Pathian-zeiaharellomi lam cu a lotlau lai.