BIAPHUAN 22 - Laibaibal Thiang (BSI)

¹ Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

² Khualipi laifang lamthluan le tiva kam veve ah nunnâk thingkung, theitlai phun hleihnih thlachiarte a tlaimi a um. Cu thinghnah hna cu miphun hna damnâk caah a si.

³ Cuka ah chiatserhnâk a um ti lai lo, Pathian le Tuufano bawiṭhutdanh kha a um lai, A sinum hna nih Amah cu an renh lai.

⁴ A hmai an hmuh lai i Amin kha anchal ah a um lai.

⁵ Cuka ah zan a um ti lai lo: Ni ceunâk le meiin an herh ti lo, zeitintiah Bawipa Pathian nih a ceuh hna lai. Cun zungzal in zungzal tiang an uk lai.

⁶ Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.

⁷ “Ngaihmanh, Kara zau lai! Hi cauk chung i chimchungbia hna zultu cu mithluachuak a si.”

⁸ Cubangin keimah Johan nih hi thil hna hi ka theih i ka hmuh hna. Cun cubangin ka hmuh i ka theih tikah, hi thil hna aka hmuhsaktu vanmi cu biak tim in a ke hramah ka bawk.

⁹ Cuticun ka sinah, “Hitihin na tuah awk a si lo. Zeitintiah kei zong nasal hawi le na unau profet hna, hi cauk chung bia hna zultu hi ka si ve ko, Pathian tu bia,” tiah a ti.

¹⁰ Cun ka sinah, “Hi cauk chung i chimchungbia hna hi thup hna hlah, zeitintiah a cân kha a nai cang.

¹¹ Mi diklo cu diklo in umpeng ko seh, fihnungmi cu fihnungin umpeng ko seh, miding cu ding tein umpeng ko seh, mithiang cu thiang tein umpeng ko seh.

¹² “Ngaihmanh, Kara zau lai, mikip an tuahmi bangin pêk awk ṭuanman ka kut ah a um.

¹³ Kei cu Alpha le Omaga, Hramthawknâk le Donghnâk, Hmasa bik le Hmadung bik ka si.

¹⁴ Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

¹⁵ Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai.

¹⁶ “Kei Jesuh nih, hi thil hna hi kawhhran hna sin i hngalhter awkah ka vanmi ka thlah. Keimah cu David Tefa le a Hrampi, Deirel Arfi Ceu ka si.

¹⁷ Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh.

¹⁸ Zeitintiah hi cauk chung i chimchung bia a theitu vialte sinah ka hngalhter hna: Hi thil hna a chaptu pauh cu, hi cauk chung i dântatnâk hna hi Pathian nih a chap ve lai;

¹⁹ cun hi cauk chung i chimchung bia hna lolak i a lami pauh cu hi cauk chungah ṭialmi Nunnâk thing a thiangmi khualipi kha a lâkpiak ve lai.

²⁰ Hi thil hna hngalh tertu nih, “Tuanah Kara hrimhrim lai.” a ti. Amen. Ra ko cang, Bawipa Jesuh!

²¹ Kan Bawipa Jesuh Krih zângfahnâk cu nan dihlak cungah um ko seh. Amen.