MBEN ISRAEL IMBUT-MBUT NYEN 26 - ALLAH NIHYET MEM TUNGWATU NYA

Mben Israel ikwop imangti gi nimbican

¹ Tirigi nsuwer ajar pima kes hon tu lene tuhan pai bak Musa kin Eleazar di Harun nipmot,

² “Suar jikwop limwa mben Israel yahagom imangti bit leu ig bei gom-gom. Suar jipas kep pinai nya di ide njap ug ei ari bingwam nyatungwagom bikui di isindem mem ikon pran nya inyenga.”

³ Mpe dima ne mben Israel ingat rin ei briep bou him Moab di jo hammi minu ndig Yerikho ei Minyei Yordan nite dima ug. Gima rino Musa kin Eleazar icuk yok,

⁴ Ma jikwop pinai nya di ide njap ug ei ari bingwam nyatungwagom bikui imangti bit leu nok tuhan nicuk Musati. Gini ne mben Israel di yehei leu minu Mesir pima imangti ri.

⁵ Yo di intun keret Ruben po Yakub nipmot mighumbou pima him inyeng rino Henokh nide bat nya kin Palu nide bat nya,

⁶ kin Hezron nide bat nya kin Karmi nide bat nya.

⁷ Pinai nya di intun yo dima ide bat nya him imangti ibou sribu ningot bitai ningai ba, sratus muhwindacan ningot ningai.

⁸ Palu nipmot rino Eliab ba,

⁹ Eliab nipmot bat nya inyeng rino Nemuel kin Datan kin Abiram. Mben Israel idimig Datan kin Abiram ei nipou su lo, itte tut Musa kin Harun leu api ibicom yam bit yo di igya kui Korah po ham nimbuk kep tuhan pima.

¹⁰ Leu api dihyei hap niji bipinde yok apino imai bit Korah kin yo di igya kui nya ei mpe di po hum yem pinai ibou sratus can ba, ningot muhwi bisar bingwig pima. Gima ne mun nibiyok ngon kep di bisok kep mben Israel ri.

¹¹ Noro yo di intun Korah him nindigsi nya itug ndei nimai bit noni bi.

¹² Yo di intun keret Simeon him nya rino Nemuel nide bat nya kin Yamin nide bat nya kin Yakhin nide bat nya,

¹³ kin Zerah nide bat nya kin Saul nide bat nya.

¹⁴ Pinai nya di intun yo dima ide bat nya him imangti ibou sribu ningot can can ba, sratus can.

¹⁵ Yo di intun keret Gad him nya rino Zefon nide bat nya kin Hagi nide bat nya kin Syuni nide bat nya,

¹⁶ kin Ozni nide bat nya kin Eri nide bat nya,

¹⁷ kin Arod nide bat nya kin Areli nide bat nya.

¹⁸ Pinai nya di intun yo dima ide bat nya him imangti ibou sribu ningot bitai ba, sratus muhwi.

¹⁹ Yehuda nipmot bat cin di Er kin Onan imai ei minu Kanaan nipou su.

²⁰ Yo di intun keret Yehuda him nya rino Syela nide bat nya kin Peres nide bat nya kin Zerah nide bat nya.

²¹ Yo di intun Peres him nya rino Hezron nide bat nya kin Hamul nide bat nya.

²² Pinai nya di intun yo dima ide bat nya him imangti ibou sribu ningot muhwindacan muhwindagom ba, sratus muhwi.

²³ Yo di intun keret Isakhar him nya rino Tola nide bat nya kin Pua nide bat nya,

²⁴ kin Yasub nide bat nya kin Simron nide bat nya.

²⁵ Pinai nya di intun yo dima ide bat nya him imangti ibou sribu ningot muhwindagom bitai ba, sratus ningai.

²⁶ Yo di intun keret Zebulon him nya rino Sered nide bat nya kin Elon nide bat nya kin Yahleel nide bat nya.

²⁷ Pinai nya di intun yo dima ide bat nya him imangti ibou sribu ningot muhwindagom ba, sratus muhwi.

²⁸ Yo di intun keret Yusuf di yai nipmot bat cin di Manasye kin Efraim him nya.

²⁹ Yo di intun keret Manasye him tug hon nipmot Makhir kin nignyon Gilead nide bat nya him rino,

³⁰ Iezer nide bat nya kin Helek nide bat nya,

³¹ kin Asriel nide bat nya kin Sekhem nide bat nya,

³² kin Semida nide bat nya kin Hefer nide bat nya.

³³ Hefer nipmot Zelafehad yai nipmot bat nya hi bi noro yai nipmisop bat nya he. Ba, nipmisop bat dima yok inyeng rino Mahla kin Noa kin Hogla kin Milka kin Tirza.

³⁴ Pinai nya di intun yo dima ide bat nya him imangti ibou sribu ningot muhwi can ba, sratus muhwindacan.

³⁵ Yo di intun keret Efraim him nya rino Sutelah nide bat nya kin Bekher nide bat nya kin Tahan nide bat nya.

³⁶ Eran nide bat nya intun Sutelah him.

³⁷ Pinai nya di intun yo dima ide bat nya him imangti ibou sribu ningot ningai can ba, sratus muhwi. Gima ne yo di intun Yusuf him ide bat nya ri.

³⁸ Yo di intun keret Benyamin him nya rino Bela nide bat nya kin Asybel nide bat nya kin Ahiram nide bat nya,

³⁹ kin Sefufam nide bat nya kin Hufam nide bat nya.

⁴⁰ Yo di intun Bela him nya rino Ared nide bat nya kin Naaman nide bat nya.

⁴¹ Pinai nya di intun yo dima ide bat nya him imangti ibou sribu ningot bitai muhwi ba, sratus muhwindagom.

⁴² Yo di intun keret Dan him nya rino Suham nide bat nya.

⁴³ Pinai nya di intun no dima nide bat nya him imangti ibou sribu ningot muhwindagom bitai ba, sratus bitai.

⁴⁴ Yo di intun keret Asyer him nya rino Yimna nide bat nya kin Yiswi nide bat nya kin Beria nide bat nya.

⁴⁵ Yo di intun Beria him nya rino Heber nide bat nya kin Malkiel nide bat nya.

⁴⁶ Asyer yai nipmisop Serah.

⁴⁷ Pinai nya di intun yo dima ide bat nya him imangti ibou sribu ningot muhwi ningai ba, sratus bitai.

⁴⁸ Yo di intun keret Naftali him nya rino Yahzeel nide bat nya kin Guni nide bat nya,

⁴⁹ kin Yazer nide bat nya kin Syilem nide bat nya.

⁵⁰ Pinai nya di intun yo dima ide bat nya him imangti ibou sribu ningot bitai muhwi ba, sratus bitai.

⁵¹ Pinai mben Israel yahagom imangti ibou sribu sratus muhwindagom gom ba, sratus muhwindacan ningot ningai.

⁵² Lene tuhan pai bak Musa,

⁵³ “Ma akwas dihyei dima tut keret mben Israel ba, abibit leu keret gom-gom imangti.

⁵⁴ Suar apek dihyei hanjop nsi di nindig bak keret di imang ndig nya lene apek dihyei hanjop nsi di nimien bak keret di imangti lai-lai de nya bit leu nok daptar nitibim tut inyengti nya.

⁵⁵ Suar aba nibiko binggok tut ba, abikwas dihyei hanjop nsi dima tut yok. Bikwop nide bat nya hi miyai ide dihyei ninda rom bit leu nok ide pung di intun him ninyenga.

⁵⁶ Suar aba nibiko binggok tut ba, akwas ide dihyei ninda rom tut yok bibit leu ide bat nya di imang ndig kin gi imangti lai-lai de he cem.”

⁵⁷ Yo di intun keret Lewi him nya rino Gerson nide bat nya kin Kehat nide bat nya kin Merari nide bat nya.

⁵⁸ Ide nintun him yamti di bram yam nya rino Libni nide bat nya kin Hebron nide bat nya kin Mahli nide bat nya kin Musi nide bat nya kin Korah nide bat nya. Kehat ne Amram nicig rin ba,

⁵⁹ Amram wak nitnem Yokhebed di Lewi nipmisop. Yokhebed dima srek ei minu Mesir. Amram kin Yokhebed igyai ipmot bat nya ibou can di Harun kin Musa lene igyai ipmisop gom di ninyeng Miryam.

⁶⁰ Harun yai nipmot bat nya ibou bitai. Ibou bitai dima Inyeng rino Nadab kin Abihu kin Eleazar kin Itamar.

⁶¹ Nadab kin Abihu itug ndei nimai tirigi po ittei hum di kwes-kwau bi bigya tut ei tuhan Noho bei pima.

⁶² Pinai nya di intun keret Lewi him di ide njap ug ei ari bingwam gom bikui imangti ibou sribu ningot can ningai. Ipas kep inyeng bijo ter leu mben Israel nindigsi nya lewo yoni ima dihyei ninda rom hi bou yok nok ide ei mben Israel ide minu bi.

⁶³ Musa kin Eleazar ikwop kep mben Israel ide bat nya yahagom imangti bipas kep ei daptarti tirigi ingat rin ei briep bou him Moab di jo sur minu ndig Yerikho ei Minyei Yordan nite dima ug.

⁶⁴ Leu yo po Musa kin Harun ipas kep inyeng ei iggum ndigsi Sinai nipou pima ne hi di niyaijo yo bu bi.

⁶⁵ Lewo tuhan pai ei su bipia yoni yahagom mimai ei iggum ndigsi. Lene nipaisi pima pek kep tu lewo yahagom imai bingwig noro Kaleb di Yefune nipmot kin Yosua di Nun nipmot he ingat rin ba, imai bi.