MAZMUR 99 - ALLAH NIHYET MEM TUNGWATU NYA

Allah ne Nibou Ndig Di Ninyeng Jei ri

¹ tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

² tuhan ninyeng jei bibor ei Sion ba, ninyeng tak kep ngkiai nya yahagom.

³ Nna ba, ikon ninyeng di jei di dia-diau kei cem. tuhan kwes-kwau!

⁴ Na di nibou ndig di asindem bibor e, angon ngakei Ade nikos tutti nya. Ata ningon sren-srausi kin nicukti nya kin nisingat tut yamti ba, abipingok kep Ade limwa nya ingonti leu binhyepo ibon mun di igbit ningkom.

⁵ Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

⁶ Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

⁷ tuhan gwam ei cou bumbuhuiti bimbrap bit yok leu api ice tut bibit Nide nikos tutti kin nicukti nya hagom.

⁸ Nyende tuhan Allah e, abuhup Ade limwa nya ighyet. Mbro nok gino akes hukum ei yok dip drek dip ide nitunggweisi nya lo, akos ser ide sisar lewo ajoi sut nikos ser sisarti.

⁹ Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.