MAZMUR 93 - ALLAH NIHYET MEM TUNGWATU NYA

tuhan ne Nibou Ndig bijo ninno bijo kikau ri

¹ tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

² tuhan e, ade banggo mbrei jo habiei ei nimbie him kikau kwei bipek ammani kep ba, jo ninghig-niker. Angat rin nipou tirigi ikwop ari bingwam nya nimangti sindam bigyo.

³ tuhan e, muk jou di roi sindem bibor nibimbi bong. Muk ndigsi ighyet kui yam.

⁴ Noro tuhan di sindem bibor ei gwamti mipbor ngat dor njiriek muk nibimbi di bong ba, sindem dor njiriek muk ndigsi di tti nindig bibor cem.

⁵ tuhan e, akos tutti nya jo ninghig-niker. Ade Ig kwes-kwau cem bijo ninno bijo kikau.