MAZMUR 88 - ALLAH NIHYET MEM TUNGWATU NYA

Nadi nahara mem Allah nimpu noti

¹ Doia ningginau Korah ninsi de di tug hon Heman di mben Ezrahi mem no di bie tut doia nimpung di bikiek Mahalat Leanot.

² tuhan Allah di teu da bidingwes ngun e, dahara Nani mem njap ba, diya ei Aho bei mem mmun.

³ Asindui sut ba, ditde nadi mbut buug bipek Nani ba, angig atingou mem dahara Nati.

⁴ Mun di buhun mang bibor cut igkep da bibindei ba, nimai jo ser dimbou hui tu.

⁵ Dinoyam kin yo di iduhug-duhug nyen kin yo di inghuisi sindem bu bi nya.

⁶ Ikwop dinyeng kin yo di yuug ei minu nimai nya ide. Dinoyam kin nimbiam di bong kimus ei jui nsi kin yo di angon prion ser yok nya di agimpu yok bu bi nya.

⁷ Acom da ug ei dihyei mihyeti di jut ba, ug ei nimai jui di jut bidindi bibor cem tu.

⁸ Angon sibui sut dati tak kep da bibor ba, agga da biborti tak kep da bidinnem-nnai.

⁹ Abindei ba, disut bat nya imbres yo ei minu ting leu da ba, igyai ngkek ttin ser da. Mun nyeng hi yon ttai da bidehei-hei nyen kan bi.

¹⁰ Dicut ei mun di buhun di bindei bidiyai dinditi. Dahara Na di tuhan bikwop njap-njap bidiba dinda di ditit bingat nadi.

¹¹ Apo abon mindur nya mem yo di imai su nya e? Apo yo di imai nya mikiju leu imai eisi ba, ikon anyeng e?

¹² Apo nimai nya itri tut angon ngakeisi ei jui nsi e? He itri tut angon gomti ei mpia di isar eisi e?

¹³ Apo nimai nya ingon dorti tut Ade mindur nya ei nidinditi e? He ikan kep asingat tut yokti ei gumihyep ningon prion ser yam eisi e?

¹⁴ Noro tuhan e, dahara Nani leu binhyepo ampu da. Dingat nadi biNa bikwop njap tekti.

¹⁵ tuhan e, nggon rino arok da ei i? Nggon rino akiek Aho tai leu da i?

¹⁶ Ditug midut habiei dimien kwei ba, nimai yok niyai kep da. Ditug ndei hukum di akes ei da dip lene gima bindei ba, dinghuisi wei bibor.

¹⁷ Ade niggati di buhun hwen da bidinem-nnai. Ahwen dati nya buhun bibor bibindei ba, disar.

¹⁸ Ade nigga biborti dem kep minyei di su biyon ttai da bipukep ser bei doho bei cem ba, bikrop ttai da cem bijo njap jei.

¹⁹ Ambres disut bat di inggre kin da nya ei minu ting leu da apino nidinditi ningkom jem nisut bit da.