MAZMUR 8 - ALLAH NIHYET MEM TUNGWATU NYA

Allah de nisindemti jo brei bou tungwatu igyai him

¹ Doia Daud mem no di bie tut doia nimpung bit leu nihyet nibikiek Gitit.

² tuhan e, he nyende Allah e, Ade nisindemti jo brei bou tungwatu nya yahagom igyai him! Ade nikei-kau-keisi kui sur mpia-bbed him tug hon,

³ munggwom nya kin ningwoi-ngwoi nya di inggei sut Nani. Anyeng di tak kep Ade limwa nya nddong kei ba, bit bon tungwatu nya ilor ba, Ade siceu nya kin yo di isrep tut nya yahap iji kan bi.

⁴ Tirigi diyok diyai kep mpia-bbed him di apai tes ei su kin bed kin ham mpia-bbed him nya di akes bijo ei nijoti,

⁵ lene dihig dingon “Tungwatu dima lene mindei rin i? Nggon rino akan kep yoni i? Ahig angon ei yokti ba, anyohou yok tut nggon i?”

⁶ Apai tes tungwatu nya ba, abindei binyeng jei noro jei dor njiriek Na di Allah bi. Akes nikei-kau-keisi kin ninyeng jeisi bijo ei ibou nggram himti.

⁷ Ando yok nok yo di inyeng tak kep Ade nipai testi nya hagom ba, inyeng jei dor njiriek mun ninyeng hagom,

⁸ bitut domba nya kin sapi nya kin mindhe-ndhe nindigsi di tungwatu nya ipijuk kan bi,

⁹ kin ha nya kin wau nya kin mun di ha minyei kan nya hagom.

¹⁰ tuhan e, nyende Tuhan e, Ade nisindemti jo brei bou tungwatu nya yahagom igyai him!