Biblia Todo Logo
Bìoball air-loidhne

- Sanasan -

MAZMUR 64 - ALLAH NIHYET MEM TUNGWATU NYA


Nadi nahara mem gima Allah nyohou yok

1 Doia Daud mem no di bie tut doia nimpung.

2 Allah e, angig atingou mem ditde nadi mpe dino duum mun di buhun. Ateu da bidingwes ngun leu ditde siceu di bindei bidittin bibor.

3 Anyohou da leu yo di isibut di igyok ingon gom mem da bibon mun di kinei bida kin yo di isibut di inggreu ser da ba, iris mun ei dati nya.

4 Isien idweb dem kep isien singau simeda bikes ighyet di ten bibor dem kep tibor di tibim sindem.

5 Iku yonti bikos dik ser simpak lene iba ighyet di nok tibor ninggwenti biprindei da. Ittin tut gi ipai yo di igyai mun tunggwei bi nya kinei cem bi.

6 Ikrau kep ingon kanti di kinei bibor bingkiem lene iba ingon di gom bisimbot kep biyam tut gima indin bon ser puig ba, ikan bipia hi di ngat bon dima bi.

7 Itin ei ingon kanti di kinei bibor lene ibicom ighyet bipai “Nitin ei ningon kanti di jo nding bijo tu.” Tungwatu ingon kin imimun jut bibor ba, gi mbun hi ningon huk niti kan bi.

8 Noro Allah kri Nide tibor biprindei yok leu api igyai ibok kros.

9 Isar drek dip yonti ighyet ba, yo di ingat yok yahagom ikit ibou leu.

10 Yahagom migwam idigitti noyam bikan-kan nyen tut Allah nibon munti nya leu api itri tut.

11 Tungwatu di ingon sren yahagom mingon nggei-hi-nggei drek dip tuhan niyai munti nya. Yoni migwam coi Noni lene Noni minyohou yok. Yo di ingon sren nya yahagom minggei sut Noni.

Lean sinn:



Sanasan