MAZMUR 30 - ALLAH NIHYET MEM TUNGWATU NYA

Nadi nibipai sigyo bak Allah

¹ Doia Daud mem nipiga Allah De Igsi.

² tuhan e, dikon anyenga. Lewo ateu da ba, dingwes ngun leu ditde siceu inda nsi lene asindui sut ba, ditde siceu nya imbos-hi-mbos bingon kei kep da bi.

³ Ditde tuhan Allah e, dahara Na leu binhyepo ampu da leu api abindei ba, dikei hanyen.

⁴ Abindei ba, dingwes ngun leu minu nimai nya ide lene awin da bidikiju leu nimai nya ikieti cem.

⁵ Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

⁶ tuhan gga laide he noro nisingatti jo kikau. Nok gino dipim mem mmun jei noro njap tek lene tek tut ningon di nggei-hi-nggei.

⁷ Mpe di po dibong kei digwam kei lene dikan “Hi di mibindei timek da bi!”

⁸ Lewo Na di tuhan angon kei sut da cem abindei ba, diya nddong kei bidinok nungug di sindem. Noro niabiati ne aku Nanti leu da apino dingon ttin a.

⁹ tuhan e, dahara Nani bidibidip huk Na Di tuhan. Dipai,

¹⁰ “Gino dimai ba, dijuk ug ei jui nsi lene gima mibon ninyeng mem Nani e? Bon yo di imai minggei sut Nani ba, itri tut angon di gomti cem e? E bi!

¹¹ tuhan e, amiap kep dihyet ba, angondut dani cem leu api ampu da o!”

¹² Aluei ditde nipim nggruetti pima binok ningon nggei-hi-nggeisi bu. Akwek ningon di ngguk leu da leu api abindei ba, dingon mpung tut ningon nggei-hi-nggeisi.

¹³ Ditde tuhan Allah e, gi mbun digwam bidimmou kan bi. Noro dipai doia bidibinggei sut Nani ba, dibipai sigyo biNa bijo ninno bijo kikau!