MAZMUR 15 - ALLAH NIHYET MEM TUNGWATU NYA

No di tuhan micigit kui Nide Igya

¹ Doia Daud. tuhan e, tou ridem mem gima coi ug ei Ade Prak Meng i? Tou ridem mem gima nggei sut Na ei Sion, ade nungug tou di adimig ei su i?

² No di dem mem gima ne no di bit Allah nihyet titut lene krau tunggwei puig bi di ba ningon di sren bipai nihyet ei nuhui him,

³ di kkin kep hiter ninghapti bi di bon mun tunggwei sut nide bat kin nisut bat nya bi di nihyet tigut yo di ninttig-tta nya bi,

⁴ di ningwes pri gau yo di Allah kou sut yok nya di nggei sut yo di ibit Allah nihyet di mbro nok gino buhun mem noni lo, miyai hagom bit leu nok nipreu eisi

⁵ di tri mitiei ngwam noro kum ei gi bitugti bi di kou sut gima hi ngot kep noni tirigi noni mbrap gau no di ningon ngun ei nikei noho bei ri. No di niyai munti nya nok gima mibong kei migwam kei bijo ninno bijo kikau.