MAZMUR 14 - ALLAH NIHYET MEM TUNGWATU NYA

Tungwatu nya isibut bibor (Mazmur Kin Doia 53)

¹ Doia Daud mem no di bie tut doia nimpung No di ningkek ndok kan “Allah No rinaha bi sren!” Yo di ipai gima ne ingon rom nindig bibor ba, isibut bibor cem. Ei dihyeisi dini hagom ne no di ningon sren no rinaha bi sren.

² tuhan cap kwei leu gwamti bingig niyai kep tungwatu nya. Noni nggok ser yo di ingon ki di ikuk yok biNoni.

³ Noro yahagom ikrau tunggwei puig ba, ingon rom bibor. No di ningon sren no rinaha bisrig ikieti bi sren. Hi bi sren.

⁴ tuhan pai “Yo di isibut dima ingon dorti bi e? Ipos mun ninyeng hagom leu Side limwa nya ba, ingat nadi bak Sa di tuhan cem bi sren.”

⁵ Yo dima ittin tut Noni nindig bibor lewo Noni mpu yo di ibit nihyet he.

⁶ Yo di isibut bibor ibigen no di ningon jo nyahan ningon kanti cut hacan. Noro tuhan miya srak ko hagau noni.

⁷ Dijoi sut gima tuhan di bong ei Nungug Sion mikiju biteu mben Israel ba, ingwes ngun. Tirigi Noni bindei ba, yo di intun Yakub him ibong kei igwam kei hanyen lene yahagom ingon millei nindig bibor!