MAZMUR 137 - ALLAH NIHYET MEM TUNGWATU NYA

Doia nibikiek mben Israel di ipim bibwos ei ingkiaisi

¹ Nigwam ei mam bei simiak minyei nggram nya di biam ei minu Babel biniyai nggwei kibor tirigi niyok ngon kep Sion.

² Nisreu nyende nggong mbrei nya hak ei biei gandarusa ninda nya leu ba, nikek bu bi.

³ Ngkiai nya di ikat nye kwei icuk nye leu binhyepo nipai doia mem yok. Yo di ico kep nye icuk nye mem gima nipai doia di bindei ba, yoni ingon kei. Icuk nye bipai “Ma jipai doia nibikiek Sion gom mem nye.”

⁴ Ayo! Notou niba doia bikiek tuhan de minu tirigi nibong ningkiaisi dini i?

⁵ Gino dibbwe ser minu ndig Yerusalem ne nnaba abindei bidikek nggong mbrei bou dinda him bu bi sren!

⁶ Gino dingon prion ser minu ndig Yerusalem bidingat dingwes ei minu ndig dimati bu bi cem ne nna ba abindei bidipai doia bu bi sren!

⁷ tuhan e, ma ayok ngon kep mben Edom igyai munti mem njap po mben Babel inggek minu ndig Yerusalem bingwig pima. Mpe dima lene ipai cuk yam “Jikwei ba, inggek minu ndig dima. Inggek minu ndig Yerusalem hagom bipek kin nikiou nya cem!”

⁸ Je di mben Babel e, mijimai bijiwer nimbiam! No di birop kin hukum hanyen bije dem igbit jide nikinei sut nyeti ne ningon nggei-hi-nggei.

⁹ No di com jide ningwoi-ngwoi nya ug ei pimbien behei bimai ne ningon nggei-hi-nggei!