MAZMUR 130 - ALLAH NIHYET MEM TUNGWATU NYA

Nadi nahara mem Allah nimpu noti

¹ Doia nikui ug ei Mbigdip Sion. Allah e, dahara Nani lewo mun di buhun bibor kat da dem kep nok dicut ug ei pimbien di jut biborti.

² tuhan e, angig atingou mem dihyet tirigi dahara Nani ba, ayok ngon kep mun di dahara Na tut.

³ Gino apas kep nyende sisar nimangti ei ade daptarti lene tou riningwes ngun leu hukum i?

⁴ Noro akos ser nyende sisar leu binhyepo nyeni ninyohou bit ahyet.

⁵ Dibet dingon mem tuhan di mimpu da lewo diba dingon com Noni nihyet.

⁶ Dibet dingon mem tuhan nindig dor njiriek nohou-hou nyen cig nya di ibet ingon mem mpia tekti.

⁷ Je di mben Israel e, ma jiba jingon com tuhan lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.

⁸ Noni miteu nide limwa di mben Israel leu ide sisar nya hagom.