MAZMUR 129 - ALLAH NIHYET MEM TUNGWATU NYA

Nadi nahara mem gima Allah bindei timek ide siceu nya

¹ Doia nikui ug ei Mbigdip Sion. Mben Israel e, ma jipai sut notou jide siceu nya ihwen bit je habiei nijam di jipilei yo kwei ug e.

² Nyende siceu nya ihwen bit nye habiei nijam di nipilei yo kwei su. Noro gi mbun igibindei timek nye kan bi.

³ Ibindei bininghim bok-ba lene nibokti wim nye dem kep nok no di wim dihyei di ninggiluk dor buug ninno ei miaisi pimo.

⁴ Noro tuhan di ningon sren-srau kwek nye leu gi yuubon nye nok awak.

⁵ Nnaba Allah bindei timek yo di ingon mpo tut Sion yahagom ba, hwen yok bisujou kep inghim dip ug e.

⁶ Nnaba idem kep minta di hei ei cau dip di mui hanyen nipou tirigi mahan bigyo.

⁷ Hi di len minta dima bike ningot cem bi.

⁸ Yo di injiriek mpia dima mipigo je “Ma tuhan njei mun di kei bije, nyeni ningat nadi tindei mun di kei bak jeni cem” e? Yoni mipigo jeni nok gima bi.