MAZMUR 125 - ALLAH NIHYET MEM TUNGWATU NYA

tuhan de limwa nya ijo nyahan ei ninda behei

¹ Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

² tuhan ya ser Nide limwa nya noyam kin nungug tou nya di jo ser minu ndig Yerusalem mem nijam dini bijo ninno bijo kikau.

³ Yo di isibut nya inyeng mitak kep yo di ingon sren ide dihyei ninda romti kikau bi. Leu gi nok ne yo di ingon sren nya igyai bram yo di isibut nya igyaisi bibon mun di kinei.

⁴ tuhan e, asingat tut yo di isingat nya kin yo di ingon sren nya.

⁵ Noro ma akes hukum ei yo di ingon can nya dip ei mpe di akes hukum ei yo di isibut nya dip. Asindui sut ba, Ade limwa nya ibong kei igwam kei!