MAZMUR 124 - ALLAH NIHYET MEM TUNGWATU NYA

Doia nibipai sigyo tut Allah di teu yok bingwes ngun

¹ Daud de doia nikui ug ei Mbigdip Sion. Gino tuhan tti kin nye bi ne notou mem nye i? Je di mben Israel e, ma jibuhup,

² “Gino tuhan tti kin nye bi ne tirigi ide siceu nya ihwen nye,

³ lene yoni mihwen nye bingwig lewo imbuk tut nye nindig bibor.

⁴ Ihwen nyeti dima dem kep minyei di su bibiam gau nye binoyam kin minyei di nimig ten.

⁵ Nyeni imai bisar dem kep minyei ningwa di krup tut tungwagom ba, kot noni ei minyei jou.”

⁶ Jikwei ba, ipai sigyo bak tuhan lewo Noni sindui sut ide siceu nya bihwen nye bingwig bi.

⁷ Nyeni ingwes ngun dem kep nok ha di dimba leu bansi. tuhan bindei ba, bansi tun tu leu api nyeni ingwes ngun!

⁸ tuhan di pai tes mpia bbed-him kin dihyeisi dini ne No di kwei mpu nye ri.