MAZMUR 12 - ALLAH NIHYET MEM TUNGWATU NYA

Nadi mem gima tuhan mpu Nide limwa nya

¹ Doia Daud mem no di bie tut doia nimpung di ibrim leu doia gi nimuhwindaningai.

² tuhan e, ampu nyeni o! Lewo tungwa hi bu di kei bi. Yo di ingon gom tut Nani isar bingwig tu.

³ Yahagom iba nihyet di mmau bipai mun di igbit bi biyam ba, iris mun biyam nyen cem.

⁴ tuhan e, akimut anda kep yo di iba ighyet di mmau biti mun. Idem kep yo di insi bbed-bau di ipai,

⁵ “Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

⁶ tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

⁷ tuhan de nipreu ei mem nyeti nya nggek jei bi ba, noyam kin perak di pimbai kei di ikwen ei humti.

⁸ tuhan e, anyohou nyeni ba, angkiem ser nyeni leu yo di isibut nya.

⁹ Lewo yo di isibut nya intek bigya tirima-tirima ba, bikwop tungwagom-gom kon mun di kinei bibor bijo anai.