MAZMUR 113 - ALLAH NIHYET MEM TUNGWATU NYA

Doia nibinggei sut tuhan nisingatti

¹ Ma jinggei sut tuhan! Je di tuhan de awak nya e, ma jinggei sut tuhan!

² Gima mibindei ba, ninyeng mitibim bidem minu hagom mem nijam dini lene bijo nijam jei cem.

³ Suar tungwatu nya leu nite bei mpia nipriti kikau ug ei nikimbasti inggei sut tuhan.

⁴ tuhan ninyeng tak kep ngkiai nya yahagom ba, ninyeng jeisi jo anai dor njiriek mpia-bbed him.

⁵ Tou rinoyam kin ide tuhan Allah i? Noni kui bigwam ei Nide banggo mbrei dip ei mpia di anai.

⁶ Noro kuk No leu binhyepo cap mpia-bbed him kin dihyeisi dini.

⁷ Noni teu yo di yuhui mbum leu dihyei ndung lene kon yo di nikinei-kinau leu atriem ndung,

⁸ leu api bindei ba, igwam bit yo di isindem bibor kin Nide limwa di inyeng jei nya.

⁹ Noni bindei ba, sop wak cam di pijet yai nimunggwom bat nya apino ningon nggei-hi-nggei bininyeng jei ei nide ig. Ma jinggei sut tuhan!