MAZMUR 112 - ALLAH NIHYET MEM TUNGWATU NYA

No di singat kei yai ningon di nggei-hi-nggei

¹ Ma jinggei sut tuhan! No di kuk no bak tuhan bibit Nide nicukti nya ne ninggon nggei-hi-nggei.

² Nimunggwom bat nya inyeng jei ei minu dini. Nide nintun him yamti di bram yam nya cem ingon nggei-hi-nggei

³ Nide ig bei nsi nya ne yo di inyeng ri. Mun di isuar nya dem mem yok ba, ibong kei igwam kei cem bijo ninno bijo kikau.

⁴ Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

⁵ No di singat kin no di bippiet nide mun di ma nya bak hiter kin no di ba ningon sren biyai midyai nya ne ningon nggei-hi-nggei.

⁶ No di bit tuhan nikos tutti nya nide midyai nya mingat ningat ba, tungwatu nya ingon prion ser no dima bi sren.

⁷ No dima ningon digit tut nihyet di kinei di miap bi ba, ningon ngkiem kei lewo ba ningon com tuhan.

⁸ Ningon bos-bos nyen ba, ningon ttin bi. Lewo ba ningon com bipia nide siceu nya mitimek bingwig yo.

⁹ Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

¹⁰ Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.