MAZMUR 110 - ALLAH NIHYET MEM TUNGWATU NYA

tuhan preu ei mem nibou ndig di Noni ndo ei su

¹ Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

² tuhan mibindei ba, anyeng tak kep timiei Sionti nya mikieng kep minu nindigsi nya cem. Noni pai “Suar anyeng tak kep ade siceu nya!”

³ Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

⁴ tuhan preu ei tug hon neheng bipai “Dikon anyeng nok imam noyam kin imam Melkisedek kikau buug hon nohonti bi.” Ba, Noni mingkwei leu nipreu eisi dima bi sren.

⁵ tuhan ya kui anda com. Gino Noni gga nibou ndig nya lene Noni mibindei timek yok bingwig.

⁶ Noni mikes hukum bidem ei ngkiai nya dip bibindei ba, ingut di wer nimbiam mikui sur mpia. Noni mibindei sar nibou ndig dihyeisi dini hagom ningwig a.

⁷ Nibou ndig midut minyei di biam ei simpak ninghas him bibiyai nisindemti leu api bindei timek nide siceu nya.