Apocalipsis 18 - Tüpä Ñe'ëngagwer

Babilonia vɨapi agwer

¹ Ipare asepia ambuae mbigwai ɨva pendar ogweyɨse ɨva sui ou; a'e vɨreko omborerekwasa ɨvate katu va'e, sendɨgwer evokoiyase osesapepa tuprɨ ɨvɨ rupi.

² Iyavei oñe'ë pirätä aipo e'i:“¡Ovɨapi, ovɨapi tekwa gwasu Babilonia!¡Karugwar yuvɨroike sese,opakatu karugwar naporäi va'e rëtä sekoi,iyavei opakatu vɨräi vai nungar yuvɨroike seseiyavei ma'embiar oñaroäi va'e nungar sekoi!

³ Iyavei opakatu ava ɨvɨ rupindar opa osavaɨpo yuvɨrekondopoi potai ete yemboagwasasa sui,iyavei mborerekwareta ɨvate katu va'e ɨvɨ pɨpendar,oyapo mba'e tëi yemboagwasa yuvɨreko sese,iyavei mba'e mboepɨsar ɨvɨ pɨpendariyavei oyeapo mba'e yar omba'e pota raisa pɨpe sui yuvɨreko.”

⁴ Ipare asendu ambuae ñe'ësa ɨva sui ou va'e, a'e aipo e'i:“Peyepepɨ evokoi tekwa gwasu sui, esepia peiko va'e cheundar,pemoyoya e'ɨ̇ agwä yangaipa gwer rese yuvɨrekoiyavei ñepëi yepe taperupitɨ eme imba'erasɨsa;

⁵ esepia ni'ä yangaipagwer oyepota ite ɨvave.Tüpä evokoiyase oyemoma'endu'a mba'e-mba'e tëi sembiapokwer rese chupe.

⁶ Pemondo mba'e chupe inungar a'e omondo mba'e ambuae ava upe,pemboepɨ ñuvɨrïo rupi mba'e sembiapokwer chupe;pemomirätä katu mba'e ɨgwa ñuvɨrïo rupi pemboyese'a imondo chupe;inungar a'e kuña omboyese'a ɨgwa imondo ambuae ava upe;

⁷ pemondo setekwer mombaraɨsusa chupe,tiparaɨsu ta'oyoya iyemondo-mondo tëi agwer iyemboeteiai agwer rese aveino.Esepia ni'ä, a'e aipo e'i opɨ'a pɨpe oiko:‘Ko'ave che agwapɨ vɨ̇te mborerekwar che reko nungar pɨpe.Nda'ei imer mano va'ekwer aiko, iyavei ndacheparaɨsui chietera.’

⁸ Sese ni'ä avɨyeteramo tëi oura mba'erasɨsa chupe:paraɨsusa, tɨepore'ɨ̇ iyavei manosa;ipare sapɨsara tata pɨpe;esepia ni'ä, yande Yar Tüpä mba'e mboavaisare'ɨ̇ sekoi, omondo manosa pɨpe.”

⁹ Evokoiyase mborerekwar ɨvate katu va'e ɨvɨ pɨpendar yuvɨrekoi va'e ko kuña resendarer, chupe oyemondo-mondo tëi va'ekwer imba'e eta rese, oyase'o tëira yuvɨreko iyavei ndoyembovɨ'ai chira sese osepiase evokoi kuña rätächi yuvɨreko kuri.

¹⁰ Opɨtañora amombrɨve osɨkɨyepave iparaɨsusa sui, aipo e'i tëira yuvɨreko:“¡Ndeparaɨsu, ndeparaɨsu katu ite, eiko tekwa gwasu,Babilonia nde tekwa seko pirätä va'e ite ereiko viña!Esepia avɨyeteramo tëi oyepota ou teko asɨsa ndeu.”

¹¹ Evokoiyase ava mba'e mboepɨsar ɨvɨ pɨpendar yuvɨrekoi va'e, a'e avei oyase'o tëira iyavei ndoyembovɨ'ai chietera evokoi tekwa rese yuvɨreko, esepia ni'ä, ndipo iri chietera vɨrokwa va'erä imba'e eta ichui:

¹² ko opakatu mba'e sepɨ va'erä a'e oro, gwarepochi, ita iporañeteai va'e, mbo'ɨrɨ sendɨ va'e, turukwar sekose va'e, turukwar sendɨ va'e, iyavei piräumbɨ va'e, pirä va'e no; iyavei opakatu-katu tëi ɨvɨrape sɨäkwä va'e; mba'e-mba'emi marfil apoprɨ, ɨvɨra ikatuprɨ va'e apoprɨ, bronce apoprɨ, gwarepochi apoprɨ, mármol avei;

¹³ iyavei ɨvɨra pirer sɨäkwä va'e; itaɨsɨ, mirra, mba'e sɨäkwä va'e; uva rɨkwer, mba'e kɨra, trigo ku'i avɨye va'e, trigo; iyavei mba'e mɨmba ovosɨi va'e no, ovesa, kavayu, karëtomi iyavei mbigwai no.

¹⁴ Aipo e'i tëira yuvɨreko ko tekwa gwasu upe:“¡Nderereko iri akoi mba'e aereipota eteprɨ va'e;iyavei eremokañɨ tëi apɨre'ɨ̇opakatu nde mba'e eta, nde yemboeteisa avei!”

¹⁵ Evokoi mba'e mboepɨsareta oyemomba'e eta va'ekwer ko mba'e rese tekwa gwasu sui, a'e opɨtañora amombrɨve osɨkɨyepave iparaɨsusa repiase yuvɨreko, oyase'o tëira iyavei ndoyembovɨ'ai tëi chira yuvɨreko no,

¹⁶ iyavei aipo e'i tëira yuvɨreko:“¡Ndeparaɨsu, ndeparaɨsu katu ite, eiko tekwa gwasu!Oyemonde tuprɨai va'ekwer turukwar sepɨrusuai va'e pɨpe,turukwar pirä va'e iyavei piräumbɨ va'e,oyemboetei oro pɨpe, mbo'ɨrɨ sendɨ ita iporañete va'e pɨpe avei.

¹⁷ ¡Avɨyeteramo tëi rumo opa okañɨ imba'e eta ichui!”Evokoiyase opakatu ava ɨarusu pɨpendar rerekwar, ava ɨmbe'ɨ ɨvɨrindar ɨarusu rerogwatasar, paragwasu rupi oporavɨkɨ va'e oyeupe narä mba'e rereko agwä, a'e opaño opɨta amombrɨve yuvɨreko ichui

¹⁸ iyavei ko tekwa gwasu rätächi repiase, a'ese säse pirätä tëi yuvɨreko: “¿Ndipoi ete ni'ä tekwa na e'i va'e inungar ko tekwa gwasu Babilonia?”

¹⁹ Ipare imboasɨpave omondo ɨvɨ ku'i oakäve yuvɨreko, oyase'o iyavei ndoyembovɨ'ai tëi, ipare säse yuvɨreko aipo e'i:“¡Ndeparaɨsu, ndeparaɨsu katu ite, eiko tekwa gwasu!Esepia ni'ä, evokoi tekwa gwasu mba'e eta pɨpe sui tëiava vɨreko va'e ɨarusu paragwasu pɨpe a'e oyemomba'e yar yuvɨreko viña.¡Avɨyeteramo tëi rumo opa okañɨ!”

²⁰ Peyembovɨ'año, pe ɨva pendarevokoi tekwa gwasu rese;iyavei peyembovɨ'año katu, peiko va'e tekwa maräne'ɨ̇ pendar,iyavei Jesús ñe'ë mombe'usa reta Tüpä ñe'ë mombe'usa reta aveino,esepia ni'ä Tüpä opa omokañɨ,peü narä mba'e avɨye va'e aposa pɨpe.

²¹ A'ese ñepëi mbigwai ɨva pendar seko pirätä va'e osupi ita inungar mba'e mboku'isa, ipare omombo paragwasu pɨpe aipo e'i:“Na e'i aveira nde rerekosa imokañɨprɨ tëi ereikora,tekwa gwasu Babilonia,iyavei nande repia iri chietera koiye katu yuvɨreko.

²² Ndasendusa iri chietera okar rupiarpas moñe'ësar, mimbɨ moñe'ësar, mimbɨ gwasu moñe'ësar aveino,ndererekoi chietera ava oporavɨkɨ va'erä ndeyeoupe narä,ndasendusa iri chiaveira ita mba'e mboku'isa monaräsa ndesuindar.

²³ Iyavei ñepëi yepe tataendɨ ndosesapei chietera ndeu,ndasendusai chiaveira ava aɨvu mendasa rupi.Esepia ni'ä ava mba'e mondosar seko pirätä eteprɨ va'e opakatu ɨvɨ pɨpe yuvɨrekoiyavei erembopa-mbopa tëi opakatu ava ɨvɨ pɨpendar ndepayesa pɨpe eiko.”

²⁴ Esepia ni'ä, evokoi tekwa gwasu pɨpe oyekwa ite Tüpä ñe'ë mombe'usar ruvɨ, Tüpä upendar ava ruvɨ, opakatu ava yukaprɨ ɨvɨ pɨpendar ruvɨ avei.