EZabbuli 1 - Bbaibbuli y'oLugwere

EKITABO EKISOOKA ( Zab 1–41 ) Eisangaalo eryʼamazima

¹ Wʼenkabi iye oyo atakolera oku malabuki gʼababbibabbi waire okukwata enzira yʼabakola ebikole ebibbibibbi, waire kukolagana nʼabo abanyooma oMusengwa.

² Wazira ekimusangaalya kugondera mateeka ga Musengwa. Era afumintiriza ku mateeka ago omusana nʼobwire.

³ Omuntu oyo ali ooti musaale ogubakomere okumpi nʼomwala gwʼamaizi, ogubala ebineneka byagwo omu kiseera kyabyo, era ogutawotoka amakoola. Omuntu oyo nabuli ekyakola kibitamu.

⁴ Neye ababbibabbi tibabba batyo, wazira babba ooti bisusungu ompunga ebyafuwa ni biduumuuka.

⁵ Nʼolwekyo ababbibabbi oMusengwa yalibasingisya omusango, era abakola ebikole ebibbibibbi abo tiyalibabalira oku kibbula kyʼabatuukirirye.

⁶ Ekyo kityo olwʼokubba oMusengwa alungamya era akuuma abatuukirirye, neye enzira ababbibabbi egibasengererya ebalungamya mu kujigirika.