Matthew 9 - Linjil i Yesu Krista Suñu Borom bi 1907

¹ Yesu duga chi gāl, jala, te ñou chi dek’ am.

² Ñu yub ko nit ku lafañ, teda chi lal: ba Yesu gise sēn ngum, mu wah͈ ku lafañ ka, ne, Suma dōm, na sa h͈ol dal; baal nañu la sa i bakar.

³ Ñena cha bindānkat ya ne chi sēn h͈ol, Nit kile tedadil na Yalla.

⁴ Yesu h͈am sēn i h͈alāt, te ne len, Lutah͈ ngēn di h͈alāt lu bon chi sēn i h͈ol?

⁵ Lan a chi gen a yomba wah͈, ne, Baal nañu la sa i bakar; wala ne, Jogal, te doh͈?

⁶ Wande ndah͈ ngēn mun a h͈am ne Dōm i nit ka am na chi suf sañsañ di baale i bakar, (fōfale mu ne ku lafañ ka,) Jogal, gadul sa lal te dem chi sa ker.

⁷ Mu jog, te dem cha ker am.

⁸ Wande ba mbōlo ma gise lōla, ñu ragal, te magal Yalla, ki may nit gōgu kantan.

⁹ Ba Yesu juge fōfale, mu gis nit ku tūda Matthew, mu di tōg cha galakukay ba: mu wah͈ ko, ne, Topa ma. Mu jog, te topa ko.

¹⁰ Am on na, ba Yesu tōge di leka cha nēg ba, publican yu bare ak i bakarkat ñou, te tōg ak mōm ak tālube am ya.

¹¹ Ba Pharisee ya gise lōla, ñu ne i tālube am, Lutah͈ sēn Borom di leka ak i publican ak i bakarkat?

¹² Wande ba mu ko dēge, mu ne len, Ña wer soh͈laū ñu fajkat, wande ña opa.

¹³ Wande dem len te jemantu lu lile tiki, Yermande lā buga as h͈arfan: ndege diku ma ô ñu jūb ña, wande i bakarkat.

¹⁴ Fōfale i tālube i John ñou fi mōm, ne, Lutah͈ ñu di faral a ôr, ak Pharisee ya, te sa i tālube du ñu ôr?

¹⁵ Yesu ne len, I mbok’ i nēg i borom‐chēt ga, ndah͈ mun naño nah͈arlu ba borom‐chēt ga neke ak ñom? Wande jamāno di na diki ba ño fabi borom‐chēt ga cha ñom; bōbale di nañu ôri.

¹⁶ Ken du dāh͈e nchangay lu maget ak lu deger, ndege la ñu jel dāh͈e ko di na h͈oti nchangay la, te h͈otiku ba di na gen a rey.

¹⁷ Du ñu def itam biñ bu ês chi mbūs yu maget: wala mbūs ya h͈ar, biñ ba tūru, te mbūs ya yah͈u: wande di nañu def biñ bu ês chi mbūs yu ês, te ñar ña dēnchu.

¹⁸ Ba mu len wah͈andô yef yile, bena kēlifa ñou, te dagān ko, ne, Nistey suma dōm ju jigen dē na; wande ñoual, teg sa loh͈o chi kou am, te di na dundati.

¹⁹ Yesu jog, ak i tālube am, te topa ko.

²⁰ Jena jigen, ku am on h͈up i deret fuk’ i at ak ñar, ñou chi ganou am, te lāl mbichirān i mbūba’m:

²¹ Ndege wah͈ na chi h͈ol am, ne, Su ma lāle mbūba’m reka, di nā wer.

²² Wande Yesu woñaku, te ba mu ko gise, mu ne, Dōm ju jigen ji, na sa h͈ol dal; sa ngum weral na la. Jigen ja dal di wer cha wah͈tu wōwale.

²³ Ba Yesu ñoue chi bir nēg i kēlifa ba, te gis lītkat ya ak nit ña di jāle,

²⁴ Mu ne len, May len ma yōn: ndege janh͈a bi dēul, wande defa nelou. Ñu rê ko bu jēpi.

²⁵ Wande ba ñu gēnê mbōlo ma, mu h͈araf cha bir, te japa loh͈o am: janh͈a ba jog.

²⁶ Dēgdēg am dem cha bir rew mōma yepa.

²⁷ Ba fa Yesu juge, ñar i silmah͈a topa ko, di h͈āchu, ne, Amal yermande chi ñun, you dōm i Dauda.

²⁸ Ba mu ñoue chi bir nēg ba, silmah͈a ya ñou fi mōm: Yesu ne len, Gum ngēn ne mun nā def lile? Ñu ne ko, Wau, Borom bi.

²⁹ Fōfale mu lāl sēn i but, ne, Naka sēn ngum na ame nōgu chi yēn.

³⁰ Sēn i but ūbiku. Yesu artu len bu bāh͈ ne, Otu len bu ko kena yēg.

³¹ Wande ba ñu fa juge, ñu ēne tur am chi rew mōma yepa.

³² Ba ñu gēne, ñu yub ko nit ku lū, ka jine jap’ on.

³³ Ba mu gēnê jine ja, lū ba wah͈: mbōlo ma jomi, ne, Mosu ñu ko gise nile chi Israel.

³⁴ Wande Pharisee ya ne, Chi bur i jine ya la gēne jine yi.

³⁵ Yesu dem cha rew ya ak deka ya yepa, di jemantale chi sēn i juma, wāre linjil i ngur gi, te weral ña opa ñepa, ak jarak ju neka chi digante nit ña.

³⁶ Wande ba mu gise mbōlo ma, mu yerem len, ndege da ñu jāh͈le, te tasāro niki nh͈ar yu amul samakat.

³⁷ Fōfale mu wah͈ i tālube am, ne, Chi dega ngōbte gi fūs na, wande ligeykat yi new nañu;

³⁸ Mōtah͈ ñān len Borom i ngōbte gi, ndah͈ mu yōni i ligeykat chi ngōb am.