Matthew 8 - Linjil i Yesu Krista Suñu Borom bi 1907

¹ Ba mu wache cha tūnda wa, mbōlo mu rey top’ on nañu ko.

² Ab gāna ñou fi mōm, te ñān ko, ne, Borom bi, su la nêh͈e, mun nga ma setal.

³ Yesu talal loh͈o am, te lāl ko, ne, Di nā tah͈ nga set. Chi tah͈ouay ba mu dal di wer.

⁴ Yesu ne ko, Otul te bu ko wah͈ ken; wande demal wone sa bopa seriñ ba, te jebale maye ga Musa eble won, ndig sēde chi ñom.

⁵ Ba Yesu h͈arafe chi Capernaum, bena saltige ñou fi mōm, te dagān ko,

⁶ Ne, Borom bi, suma bukanēg anga teda cha ker, lafañ, te sona bu miti.

⁷ Yesu ne ko, Di nā dika te weral ko.

⁸ Saltige ba tontu ko ne, Borom bi, daganu ma nga h͈araf chi suma nēg; wande wah͈al bāt bi reka, te suma bukanēg di na wer.

⁹ Ndege nit lā ku neka chi run i kēlifa, te am nā i h͈arekat ya ma ēlif; te ku ma cha ne, Demal, mu dem; te ku ma cha ne, Ñoual, mu ñou; suma jām, Defal lile, mu def ko.

¹⁰ Ba ko Yesu dēge, mu jomi, te ne ña ko top’ on, Chi dega mangi len di wah͈, mosu ma feka ngum gu nu day, dēt, du chi Israel.

¹¹ Te ma ne len, ñu bare di nañu jugeji cha Penku ak H͈arfu, te jēki ak Ibrayuma ak Isaka ak Yanh͈oba chi ngur i ajana;

¹² Wande i dōm i ngur ga, di nañu len tabal chi lendem i biti; fōfale la joy di neka ak yeyi buñ.

¹³ Yesu ne saltige ba, Demal sa yōn, naka nga gume, na ame nōgu chi you. Bukanēg am dal di wer cha wah͈tu wōwale.

¹⁴ Ba Yesu h͈arafe chi nēg i Peter, mu gis goro am teda, opa ak fēbar.

¹⁵ Mu lāl loh͈o am, te fēbar ba bayi ko; mu jog te bukanēgu ko.

¹⁶ Ba ngon jote, ñu yub ko ña i jine jap’ on, te mu gēne malāka yu bon ya chi ñom chi bāt am, te weral ña jēr on ñepa:

¹⁷ Ndah͈ la Isaiah yonent ba wah͈ on motaliku, ne, Mō jel on suñu munadi, te yubu on suñu i jangaro.

¹⁸ Yesu nak ba mu gise mbōlo mu rey chi kanam am, mu eble ñu jala cha genen wet ga.

¹⁹ Bena bindānkat ñou, ne ko, Jemantalkat bi, di nā la topa fo mun a dem.

²⁰ Yesu ne ko, Ntila yi am nañu i mpah͈, te mpich’ i asaman si am nañu i taga, wande Dōm i nit ka amul fu mu tedal bop’ am.

²¹ Kenen chi tālube ya ne ko, Borom bi, bayi ma ma jeka dem te sūl suma bay.

²² Wande Yesu ne ko, Topa ma, te bayi ñu dēle ña ñu sūl sēn ñu dē.

²³ Ba mu duge chi gāl, i tālube am topa ko.

²⁴ Ngelou lu rey jog cha gēch ga, be gāl ga muro ak dūs ya; wande mu don nelou.

²⁵ Ñu ñou fi mōm, te ê ko, ne, Borom bi, musal ñu: ñunge sanku.

²⁶ Mu ne len, Lutah͈ ngēn ragal, yēn nit i ngum gu new? Fōfale mu jog, te eda ngelou ya ak gēch ga; mu dal be ne nem.

²⁷ Nit ña jomi, ne, Ban melin i nit a di kile, be ngelou li sah͈ ak gēch gi di ko dēgal!

²⁸ Ba mu age cha genen wet, chi bir rew i Gadarene ya, ñar i nit ñu i jine jap’ on feka ko, di juge cha bamel ya, te ñu soh͈or lol, be ken munul a jār yōn wōwale.

²⁹ Ñu h͈āchu, ne, Lan la ñu jote ak you, you Dōm i Yalla? Dā fi dika ndig geten ñu bala wah͈tu wa jot?

³⁰ Gēt’ i mbām yu bare sorey on nañu fale di far.

³¹ Te jine ya dagān ko, ne, So ñu gēnê, bayi ñu ñu dem chi bir gēt’ i mbām ya.

³² Mu ne len, Dem len. Ñu gēna cha nit ña, te duga chi mbām ya: gēta ga yepa dou ak dōle chi kou bereb bu koue di jem chi gēch ga, ñu rēr chi ndoh͈ ma.

³³ Ña len don sama dou, dem chi bir deka ba, te wah͈ lu neka, ak lu jot nit ña jine jap’ on.

³⁴ Deka ba yepa gēna gatanduji Yesu; te ba ñu ko gise, ñu dagān ko mu gēna chi sēn rew.