Matthew 7 - Linjil i Yesu Krista Suñu Borom bi 1907

¹ Bu len di ate, ndah͈ kena du len ateji.

² Ndege ate bu ngēn ate ñenen, di nañu len ko ateji; te natu bu ngēn di natale, mōm sah͈ la ñu len di nataleji.

³ Lu elal nga di nimeku felah͈ bi chi sa but i morom, te do gis lā bi chi sa but?

⁴ Wala naka nga wah͈e sa morom, ne, Bayi ma ma dindi felah͈ bi chi sa but, te lā’ngi chi sa but sah͈?

⁵ Mīkar bi, dindil jeka lā bi chi sa but, te ganou ga di nga gis bu set ndah͈ nga mun a dindi felah͈ ba chi sa but i morom.

⁶ Bu len joh͈ la sela h͈aj ya, te bu len sani sēn i takay chi kanam i mbām; ndig so otuwul di nañu len degat chi sēn run tanka, te walbataku h͈oti len.

⁷ Lāj len, te di nañu len may; ūt len, te di ngēn gis; foga len, te di nañu len ūbi:

⁸ Ndege ku mu mun a don ku lāj, di na am; te ku ūt, di na gis; te ku foga, di nañu ko ūbi.

⁹ Kan chi yēn, su ko dōm am lāje mburu, mu may ko doch?

¹⁰ Wala su ko lāje jen, mu may ko jān?

¹¹ Yēn ñi bon nak, su ngēn h͈ame may sēn i dōm yef yu bāh͈, as sēn Bay ba cha ajana di na may ña ko lāj yef yu bāh͈?

¹² Mōtah͈ lu ngēn buga lepa nit di len ko defal, yēn itam na ngēn ela defal ñenen: ndege bile di yōn wi ak yonent ya.

¹³ H͈araf len chi bunta bu h͈ocha ba: ndege bunta ba yā na, te yōn wa jublu chi sankute yātu na, te bare na ñu cha tabi:

¹⁴ Ndege bunta ba h͈ocha na, te yōn wa jublu chi dunda h͈at na, te ñu new a ko gis.

¹⁵ Otu len i yonent i nafeh͈a ya, di ñou fi yēn chi nchangay i nh͈ar, wande chi bir ño di buki yu fuh͈ale.

¹⁶ Di ngēn len h͈am chi sēn i mēñef. Ndah͈ nit di na dajale i dōm i garap i biñ chi i dek, mbāt i sōto chi i h͈āh͈am?

¹⁷ Nōgu itam garap gu bāh͈ gu neka di na mēña mēñef bu bāh͈; wande garap gu bon di na mēña mēñef bu bon.

¹⁸ Garap gu bāh͈ munul a mēña mēñef bu bon, te garap gu bon munul a mēña mēñef bu bāh͈.

¹⁹ Garap gu neka gu mēñul mēñef bu bāh͈, di nañu ko gor, te sani ko chi safara.

²⁰ Di ngēn len h͈am mbōk chi sēn i mēñef.

²¹ Du ku neka ku ma wah, ne, Borom bi, Borom bi, di na h͈araf chi ngur i ajana; wande ka def suma mbugel i Bay ba cha ajana mōm reka.

²² Ñu bare di nañu ma wah͈ chi bes bōbale, Borom bi, Borom bi, ndah͈ wareū ñu on chi sa tur, te chi sa tur ñu dah͈’ i jine, te chi sa tur ñu def koutef yu bare?

²³ Fōfale di nā len yēgal, ne, Mosu ma len a h͈am; randu len ma, yēn ña def lu bon.

²⁴ Mōtah͈ ku mu mun a don ku dēga suma i bāt yile, te def len, di na niro ak nit i sago, ka tabah͈ nēg am chi kou doch:

²⁵ Tou ba dal, wame wa buna, ngelou la ñou, te dal chi kou nēg bōbale; wande dānuwul; ndege chi doch la sampu.

²⁶ Te ku mu mun a don ku dēga suma i bāt yile, te defu len, di na niro ak nit ku ñaka sago, ka tabah͈ nēg am chi kou banh͈aleñ:

²⁷ Tou ba dal, wame wa buna, ngelou la ñou, te dal chi kou nēg bōbale; mu maba; maba gu rey.

²⁸ Am on na ba Yesu sotale bāt yile, mbōlo ma jomi chi njemantal am:

²⁹ Ndege jemantal on na len naka ku am sañsañ, te nekul naka sēn i bindānkat.