Matthew 5 - Linjil i Yesu Krista Suñu Borom bi 1907

¹ Ba mu gise mbōlo ma, mu yēg cha kou tūnda wa; ba mu tōge, tālube am ya ñou fi mōm;

² Mu ūbi gemeñ am, te jemantal len, ne,

³ Barkel cha ña sufelu chi fit; ndege ngur i ajana di na len lew.

⁴ Barkel cha ña nah͈arlu; ndege di nañu dalal sēn h͈ol.

⁵ Barkel cha ñu lew ña; ndege di nañu mōmi aduna si.

⁶ Barkel cha ña di h͈īf te mar chi njūbay; ndege di nañu doylu.

⁷ Barkel cha ña am yermande; ndege di nañu joti yermande.

⁸ Barkel cha ña set chi h͈ol; ndege di nañu gis Yalla.

⁹ Barkel cha i defarkat i jama ña; ndege di nañu len tūde i dōm i Yalla.

¹⁰ Barkel cha ña getenu ngir njūbay; ndege ngur i ajana di na len lew.

¹¹ Barkel chi yēn su ñu len di h͈as, te geten len, te sos lu bon yepa chi yēn ndig man.

¹² Banēh͈u len, te kontan len lol; ndege sēn yōl rey na cha ajana; ndege nōgu la ñu geten on yonent ya len jītu on.

¹³ Yēn a di soh͈mat i aduna si; wande su soh͈mat ñake nchafo am, lu ñu ko safaleti? Dōtul jeriñ dara lul sani ko chi biti, te nit degat ko chi suf.

¹⁴ Yēn a di lêr i aduna si. Deka bu ñu teg chi kou tūnda, munul a nubu.

¹⁵ Ken du tāl nītu, te def ko chi run ndap, wande chi kou nītukay, te di na lêral ña chi bir nēg ba ñepa.

¹⁶ Na sēn lêray mbōk tāka chi kanam i nit, ndah͈ ñu gis sēn i jef yu bāh͈, te di magal sēn Bay ba cha ajana.

¹⁷ Bu len dēfe ne da ma dika fanh͈asi yōn wa ak lu yonent ya wah͈ on; diku ma fanh͈asi wande motalisi.

¹⁸ Ndege chi dega mangi len di wah͈, Be bu ajana ak suf di wey, dara du wey chi yōn wa muk, be yepa motaliku.

¹⁹ Ku mu mun a don mbōk ku di moy bena chi eble yile bu gen a tūt, te jemantal nit ña nogule, di nañu ko tūdeji ka gen a new ñepa chi ngur i ajana; wande ku len di def te jemantal len, di nañu ko tūdeji ku rey chi ngur i ajana.

²⁰ Ndege mangi len di wah͈, Su sēn njūbay sutule njūbay i bindānkat ya ak Pharisee ya, du len h͈araf chi ngur i ajana muk.

²¹ Dēga ngēn ñu wah͈ on nit i h͈āt ya, Bulu rēy; te ku di rēy mungi chi tafār i ate:

²² Wande mangi len di wah͈, Ku di mere morom am, mungi chi tafār i ate; te ku ne morom am, Dof bi, mungi chi tafār i ate bu rey; wande ku ne, Ēfar bi, di na neka chi tafār i safara’ nāri.

²³ Mōtah͈ so di jebale sa maye cha lotel ba, te fataliku fōfa ne sa morom am na amle ak you,

²⁴ Na nga fa bayi sa maye cha lotel ba, te dem jeka marale ak sa morom; cha ganou ga delusil, jebal sa maye.

²⁵ Goual a mar ak sa mbañ naka nga neke chi yōn wa ak mōm; lu dul lōga mbañ ma di na la joh͈e chi atekat ba, te atekat ba di na la joh͈e chi otukat ba, te mu tej la chi kaso.

²⁶ Chi dega mangi la di wah͈, Do fa gēna muk, be nga fey kopar bu muje ba.

²⁷ Dēga ngēn ñu wah͈ on nit i h͈āt ya, Bul njālo:

²⁸ Wande mangi len di wah͈, Ku sêt jigen te h͈emem ko, nistey njālo na ak mōm chi h͈ol am.

²⁹ Su la sa but i ndējor moylô, loh͈ati ko, te sani ko; ndege gen na bena chi sa cher rēr, te du sa yaram yepa di tabi chi nāri.

³⁰ Te su la sa loh͈o’ ndējor moylô, dog ko, te sani ko; ndege gen na bena chi sa cher rēr, te du sa yaram yepa di tabi chi nāri.

³¹ Wah͈ nañu itam, ne, Ku fase ak jabar am, na ko joh͈ mbinda i mpase:

³² Wande mangi len di wah͈, Ku fase ak jabar am, lu moy mu di chi njālo, tah͈ na ko mu njālo; te ku sey ak mōm ka ñu fase, njālo na.

³³ Dēga ngēn ñu wah͈ on nit i h͈āt ya, Bulu leka ngeñ, wande motali ko chi Yalla:

³⁴ Wande mangi len di wah͈, Bu len geñ muk; bu mu di cha ajana, ndege mō di gangūne’ Yalla;

³⁵ Wala chi suf si, ndege mō di degukay i tank’ am; wala cha Jerusalem, ndege mō di rew um Bur bu rey ba.

³⁶ Bul geñ itam chi sa bopa, ndege munu la wêh͈al bena kouar, mbāte ñulal ko.

³⁷ Wande na sēn wah͈ di, Wau, wau; Dēt, dēt; ndege lu upa yile chi lu bon la juge.

³⁸ Dēga ngēn ñu wah͈, ne, But ak but, buñ ak buñ:

³⁹ Wande mangi len di wah͈, Bu len findu lu bon, wande ku la dōr chi sa leh͈ i ndējor, sopalil benen bi itam.

⁴⁰ Te su la kena yubo chi yōn ndah͈ mu jel sa chol, bayi ko mu jel sa mbūba itam.

⁴¹ Te ku la buga jeñ nga gūnge ko fu sorey, gūnge ko fu sorey‐sorey.

⁴² Mayal ku la dagān, te bul gantu ku la buga aba.

⁴³ Dēga ngēn ñu wah͈, ne, Na nga sopa sa morom, te sib sa mbañ.

⁴⁴ Wande mangi len di wah͈, Sopa len sēn i mbañ, te ñānal len ña len di geten;

⁴⁵ Ndah͈ ngēn mun a neka sēn i dōm i Bay ba cha ajana; ndege mō fenkalo janta am cha kou ña bāh͈ ak ña bon, te di tou cha kou ña jūb ak ña jūbadi.

⁴⁶ Ndege su ngēn sope ña len sopa dal, ban yōl ngēn di am? Publican ya sah͈ du ñu def nōgule am?

⁴⁷ Te su ngēn noyo sēn i mboka dal, chi lan ngēn upale ñenen? Gentile ya du ñu def nōgule am?

⁴⁸ Di ngēn mot mbōk, naka sēn Bay ba cha ajana mote.