Matthew 4 - Linjil i Yesu Krista Suñu Borom bi 1907

¹ Fōfale la Nh͈el ma jīte Yesu cha manding ma, ndah͈ Seytane fir ko.

² Ganou ba mu ôre lu day na ñenent fuk’ i bechek ak ñenent fuk’ i gudi, mu h͈īf.

³ Ba firkat ba ñoue fi mōm, mu ne, So de Dōm i Yalla, na nga ebal h͈êr yile ñu neka mburu.

⁴ Wande mu tontu, ne, Binda nañu, ne, Nit du mburu reka la dunde, wande itam bāt bu neka bu juge chi gemeñ i Yalla.

⁵ Seytane nak yubu ko fa deka bu sela ba, teg ko cha kou puj i juma ja,

⁶ Te ne ko, So de Dōm i Yalla, chipālul chi suf; ndege binda nañu, ne, Dēnka na la i malāk’ am, te di nañu la yubu chi sēn loh͈o, ndah͈ do fakatal sa tanka chi h͈êr.

⁷ Yesu ne ko, Binda nañu, nêti, Bul fir Borom ba sa Yalla.

⁸ Seytane yubôti ko fa tūnda wu koue‐koue, te won ko i rew i aduna si yepa, ak sēn ndam;

⁹ Te ne ko, Yef yōyu yepa lā la di may, so sūke chi suma kanam, te jāmu ma.

¹⁰ Fōfale Yesu ne ko, Randu ma Seytane, ndege binda nañu, ne, Na nga jāmu Borom ba sa Yalla, te na nga ko topa, mōm reka.

¹¹ Fōfale Seytane bayi ko; i malāka dika, te bukanēgu ko.

¹² Ba mu dēge nak ne tej nañu John, mu dem cha Galilee;

¹³ Te juge Nazareth, mu ñou deka chi Capernaum, bu jegeñ gēch ga, chi wet i Zebulun ak Naphtali:

¹⁴ Ndah͈ la Isaiah yonent ba wah͈ on motaliku, ne,

¹⁵ Suf i Zebulun ak suf i Naphtali, chi yōn i gēch ga, ganou Jordan, Galilee i Gentile ya;

¹⁶ Nit ña jēki on chi lendem gis nañu lêr gu rey, te ña jēki on chi rew i dē ak takandēr am, chi ñom la lêr joge.

¹⁷ Cha wah͈tu wōga Yesu dôr a wāre, ne, Rēchu len: ndege ngur i ajana jegeñsi na.

¹⁸ Don na doh͈ cha tefes i Galilee, te mu gis ñar i mboka, Simon ku tūda Peter, ak mag am Andrew, di sani mbal cha gēch ga; ndege nek’ on nañu i mōl.

¹⁹ Mu ne len, Topa len ma, te di nā len def i mōl i nit.

²⁰ Ñu wocha mbal ya chi tah͈ouay, te topa ko.

²¹ Bu mu fa juge, mu gis yenen i mboka, James dōm i Zebedee, ak rak’ am John, chi gāl ga, ak Zebedee sēn bay, di dāh͈ sēn i mbal; te mu ô len.

²² Ñu dal di wocha gāl ga, ak sēn bay, te topa ko.

²³ Yesu dem cha bir Galilee yepa, di jemantale chi sēn i juma, di wāre linjil i ngur gi, te di weral h͈êt i opa ju neka, ak hêt i jangaro ju neka chi digante nit ña.

²⁴ Dēgdēg i tur am dem cha bir Syria yepa; ñu yub ko nit ña op’ on ñepa, ña jangaro ju mun a don ak nchono jap’ on, ak ña i jine jap’ on, ak ña say, ak ña lafañ, te mu weral len.

²⁵ Mbōlo mu rey tope ko cha Galilee, ak Decapolis, ak Jerusalem, ak Judæa, ak ganou Jordan.