Matthew 3 - Linjil i Yesu Krista Suñu Borom bi 1907

¹ Chi bes yōyale la John Batisekat ba ñou on, di wāre cha manding i Judæa, ne,

² Rēchu len, ndege ngur i ajana jegeñsi na.

³ Kile mō di ka Isaiah yonent ba wah͈ on, ne, Bāt i kena di h͈āchu chi manding ma, ne, Wājal len yōn i Borom bi, defar len i yōn am ñu tali.

⁴ John nak mō sol on nchangay i kouar i gelem, ak lah͈asay i der chi ndig am; te dundu am njērer la won, ak lem i ala.

⁵ Jerusalem, ak Judæa yepa, ak deka yu jegeñ Jordan yepa, dem fa mōm,

⁶ Te mu batise len chi deh͈ i Jordan, ñu di wējal sēn i bakar.

⁷ Wande ba mu gise jupa chi Pharisee ya ak Sadducee ya di ñou chi batise am, mu ne len, E h͈êt i ñangōr gi, kan a len yēgal ngēn di ūt a rēcha chi mer mi di ñou?

⁸ Mēña len mbōk mēñef yu mot chi rēchu:

⁹ Te bu len dēfe ne chi sēn bopa, Am nañu Ibrayuma mu di suñu bay; ndege mangi len di wah͈, ne Yalla mun na chi h͈êr yile sah͈ gēne chi i dōm i Ibrayuma.

¹⁰ Te nistey teg nañu semiñ wi chi rēn i garap ya; garap gu neka mbōk gu mēñul dōm yu bāh͈, di nañu ko dog, te sani ko chi safara.

¹¹ Mā len di batise chi ndoh͈ ndig rēchu; wande mōm ka di topa chi man, mō ma gēti kantan; daganu ma yubu i dal’ am; mō len di batiseji chi Nh͈el mu Sela ma ak safara;

¹² Am na layu chi loh͈o am, te di na setali boju am fou, te dajale dugup am chi sah͈a mi; wande di na laka choh͈ ba chi safara su feyatil muk.

¹³ Fōfale Yesu juge Galilee cha Jordan fa John, ndah͈ mu batise fi mōm.

¹⁴ Wande John bañ ko, ne, Mā soh͈la batise fi you; te yangi ñou fi man?

¹⁵ Yesu tontu ko, ne, Bul ko bañ lēgi, ndege nōgu la ñu ela motali njūbay yepa. Nōgale la bañatul.

¹⁶ Ba batise’ Yesu mote, mu gēna chi ndoh͈ ma; nōn’ ak nōna asaman si ūbiku chi mōm; mu gis Nh͈el i Yalla di wacha chi melo i mpetah͈, te dal chi kou am:

¹⁷ Te bāt juge cha asaman, ne, Kile mō di suma Dōm ji ma sopa, chi mōm lā feka li ma nêh͈ lepa.