Matthew 27 - Linjil i Yesu Krista Suñu Borom bi 1907

¹ Ba lelek sa jote, i njīt i seriñ ya ak i mag i nit ña ñepa fēnchu Yesu, ndah͈ ñu rēy ko.

² Ñu ew ko, omat ko, te jebal ko Pilate kēlifa ga.

³ Fōfale Judas, ka ko or on, ba mu gise ne ey nañu ko, mu rēchu, te indêti ñeta fuk’ i dogit i h͈ālis chi i njīt i seriñ ya ak mag ya, ne,

⁴ Da ma bakar chi niki ma ore deret i ku set ka. Wande ñu ne, Lu ñu soh͈al chi lōla? Sêtal sa bopa.

⁵ Mu sani dogit i h͈alis ya chi suf chi juma ja, gēna, te dem, eng̈a bop’ am.

⁶ I njīt i seriñ ya jel dogit i h͈alis ya, ne, Daganul ñu def ko chi dēnchukay bu sela bi, ndege njēg i deret la.

⁷ Ñu fēncho, te jende h͈ālis ba tōl i ku dan tabah͈ i ndā, ndah͈ ñu di fa sūl i doh͈andem.

⁸ Mōtah͈ ñu tūde tōl bōba, Tōl i deret bentey.

⁹ Fōfale lu Jeremiah yonent ba wah͈ on motaliku, ne, Fab on nañu ñeta fuk’ i dogit i h͈ālis, njēg i ka ñu ap’ on, ka ñena chi dōm i Israel ya ap’ on,

¹⁰ Te joh͈ len ko tōl i ku dan tabah͈ i ndā, naka ma ko Borom bi eble won.

¹¹ Yesu tah͈ou chi kanam i kēlifa ga, te kēlifa ga lāj ko, ne, Ndah͈ yā di Bur i Yauod ya? Yesu ne ko, Wah͈ nga ko.

¹² Ba ko i njīt i seriñ ya ak mag ya jêñe, tontuwul dara.

¹³ Mōtah͈ Pilate ne ko, Dēgu la yef yi ñu la sēdêl?

¹⁴ Tontuwu ko dara, du bena bāt sah͈; tah͈na kēlifa ga jomi lol.

¹⁵ Chi h͈ewte ga nak, kēlifa ga dan na bayi cha mbōlo ma kena cha ña ñu tej on, ku ñu buga.

¹⁶ Am on nañu chi wah͈tu wōwale sachakat bu dēgu on, ku tūda Barabbas.

¹⁷ Ba ñu dajalô, Pilate ne len, Kan ngēn buga ma joh͈ len? Barabbas, am Yesu ki tūda Krista?

¹⁸ Ndege h͈am on na ne ndig kañān la ñu ko jebale.

¹⁹ Ba mu tōge chi ateukay ba, jabar am yōni fi mōm, ne, Bul bōlo chi yef i kōku nit ku jūb; ndege da ma yēg yef yu bare bes bile chi gēnta ndig mōm.

²⁰ I njīt i seriñ ya nak ak mag ya digal mbōlo ma ñu lāj Barabbas, te rēylu Yesu.

²¹ Wande kēlifa ga tontu len, ne, Kan chi ñar ñi ngēn buga ma joh͈ len? Ñu ne, Barabbas.

²² Pilate ne len, Lan lā ela def mbōk ak Yesu ki tūda Krista? Ñepa ne, Na ñu ko dāj chi kura.

²³ Kēlifa ga ne, Lutah͈, lan lu bon la def? Wande ñu h͈āchu bu bāh͈, ne, Na ñu ko dāj chi kura.

²⁴ Ba Pilate gise ne munul dara, wande nchōu anga buga jog, mu jel ndoh͈ te rah͈as i loh͈o am chi kanam mbōlo ma, ne, Man mūmin lā chi deret i nit ku jūb kile: na ngēn ko sêt.

²⁵ Nit ña ñepa tontu, ne, Na deret am dal chi suñu kou ak chi suñu kou i dōm.

²⁶ Tah͈na mu joh͈ len Barabbas; wande Yesu mu ratah͈ ko, te jebale ko ndah͈ ñu dāj ko chi kura ba.

²⁷ Fōfale i h͈arekat i kēlifa ga yubu Yesu chi ker i ate ga, te dajale fi mōm sēn i morom yepa.

²⁸ Ñu ñōri ko, te solal ko chol gu h͈onh͈a.

²⁹ Ñu lēta mbah͈ana i dek, te teg ko chi bop’ am, ak sonka chi ndējor am; ñu sūka chi kanam am, te ñaual ko, ne, Jamom, Bur i Yauod ya!

³⁰ Nu tufli ko; jel sonka ba, te dōr ko chi bop’ am.

³¹ Ba ñu ko ñauale, ñu ñōri ko, solal ko chol am, te omat ko ndah͈ ñu dāj ko cha kura ba.

³² Ba ñu gēne, ñu feka wā’ Cyrene ku tuda Simon: mōm la ñu jeñtal mu and’ ak ñom ndah͈ mu gadu kura ba.

³³ Ba ñu dike fa bereb bu tuda Golgotha, lu tiki ne, Bereb i h͈ot i bopa,

³⁴ Ñu joh͈ ko biñ bu ñu bōle ak weh͈tan ndah͈ mu nān: ba mu ko mose, mu bañ a nān.

³⁵ Ba ñu ko dāje cha kura ba, ñu sedo chol am chi sēn bopa, di wuri:

³⁶ Ñu tōg, di ko otu fōfale.

³⁷ Ñu teg chi kou bop’ am njêñ am, ba ñu bind’ on nile: Kile di Yesu Bur i Yauod ya.

³⁸ Fōfale ñu dājāle cha i kura itam ñar i sachakat, kena chi ndējor am, ak kenen chi chamoñ am.

³⁹ Ña fa romba sāga ko, di yengal sēn i bopa, ne,

⁴⁰ You mi dānel jama ja te tabah͈ati ko chi ñet’ i fan, musalal sa bopa. So de Dōm i Yalla, wachal chi kura bi.

⁴¹ I njīt i seriñ ya itam, ak bindānkat ya ak mag ya ñaual ko, ne,

⁴² Musal na ñenen; munul a musal bop’ am. Mō di Bur i Israel: na wacha lēgi chi kura bi, te di nañu ko gum.

⁴³ Mu ōlu Yalla; na ko musal lēgi, su ko buge; ndege nôn na, Mā di Dōm i Yalla.

⁴⁴ Sachakat ya itam, ña ñu dājāle won chi kura ya, ñu h͈as ko nōga.

⁴⁵ Cha fuk’ i wah͈tu ak ñar nak be cha ñet’ i wah͈tu, lendem neka chi kou suf si yepa.

⁴⁶ Chi ñet’ i wah͈tu potah͈, Yesu h͈āchu be cha kou, ne, Eli, Eli, lama sabachthani? mu tiki ne, Yalla man, Yalla man, lutah͈ nga wocha ma?

⁴⁷ Ñena ñu tah͈ou fa, ba ñu dēge lōla, ne, Ki nit ange ô Elijah.

⁴⁸ Nōn’ ak nōna kena chi ñom dou, jel ab sponge, fêsal ko binegar, def ko chi sonka, te joh͈ ko mu nān.

⁴⁹ Ña cha des ne, Bayi ko; na ñu gis su Elijah di ñou musal ko.

⁵⁰ Yesu h͈āchôti be cha kou, te tago fit am.

⁵¹ Ser i juma ja h͈otiku chi diga, cha kou be chi suf; suf si yengatu; doch yu rey ya h͈ar;

⁵² Bamel ya ūbeku; te i yaram i jūlit yu bare ñu don nelou jog;

⁵³ Gēna chi bamel ya ganou ndēkite am, h͈araf chi bir deka bu sela ba, te fêñu i nit jupa.

⁵⁴ Saltige ba nak, ak ña nek’ on ak mōm, di otu Yesu, ba ñu gise yengatu’ suf sa, ak yef ya am, ñu tīt lol, ne, Chi dega kile Dōm i Yalla la.

⁵⁵ Jigen yu bare tah͈ou fu sorey di sêt, ñu top’ on Yesu cha Galilee di ko bukanēgu:

⁵⁶ Chi sēn digante la Mariama Magdalene nek’ on, ak Mariama ndey i James ak Joses, ak ndey ī dōm i Zebedee.

⁵⁷ Ba ngon jote, borom‐alal ku juge on Arimathæa, ka tūda Yusufa, te nek’ on itam tālube i Yesu:

⁵⁸ Kile dem fa Pilate te dagān yaram i Yesu. Fōfale Pilate eble ñu joh͈ ko ko.

⁵⁹ Yusufa jel yaram wa, lomas ko chi ser wu set te wêh͈,

⁶⁰ Te teral ko chi bamel am bu ês, ba mu et’ on chi h͈êr: mu borong doch wu rey chi bunt’ i bamel ba, te dem.

⁶¹ Mariama Magdalene ak menen Mariama ma neka fa, di tōg fu jegeñ bamel ba.

⁶² Cha lelek sa nak, bes ba topa bes i wājte ba, i njīt i seriñ ya ak Pharisee ya dajalo fa Pilate,

⁶³ Ne, Borom bi, Fataliku nañu ne nafeh͈a bōbale nôn na ba mu dund’ on, Chi ganou ñet’ i fan di nā dēki.

⁶⁴ Ebalal mbōk ne ñu otu bamel ba be chi ñet’ i fan; wala h͈ēchna i tālube am di nañu dika sacha ko, te ne nit ña, Defa dēki cha ñu dē ña: kōn jūm gu muj ga di na gen a bon gu jeka ga.

⁶⁵ Pilate ne len, Am ngēn i otukat: dem len, otu len ko lu ngēn mum.

⁶⁶ Ñu dem, defar bamel ba bu bāh͈, kaste doch wa, te otukat ya neka ak ñom.