Matthew 26 - Linjil i Yesu Krista Suñu Borom bi 1907

¹ Am on na, ba Yesu sotal on bāt yōyale yepa, mu ne i tālube am,

² H͈am ngēn ne cha ganou ñar i fan h͈ewte ga di na jot, te ñu or Dōm i nit ka ndah͈ ñu dāj ko chi kura.

³ Fōfale i njīt i seriñ ya ak i mag i nit ña dajalo fi ker i kēlifa i seriñ ya, ku tūda Caiaphas,

⁴ Te ñu wah͈ante chi sēn bopa ndah͈ ñu japa Yesu chi mūste, te rēy ko.

⁵ Wande ñu ne, Du chi h͈ewte ga, lēgi nchōu buga joge chi digante ñit ña.

⁶ Ba Yesu neke chi Bethany nak, chi nēg i Simon gāna ga,

⁷ Jena jigen, ju am ndap i diw gu h͈ēñ gu jafe njēg lol, ñou fi mom, te tūr ko chi bop’ am ba mu tōge di leka.

⁸ Wande ba ko tālube ya gise, ñu mer, ne, Lu waral yah͈a gile?

⁹ Ndege mun on naño jay diw gu h͈ēñ gile, te am chi lu bare, sarah͈ ko miskin yi.

¹⁰ Wande Yesu h͈am ko, ne len, Lutah͈ ngēn di geten jigen ji? ndege defal on na ma jef ju hāh͈.

¹¹ Ndege am ngēn miskin ya chi sen digante sā su neka; wande man du len ma am sā su neka.

¹² Ndege ba mu tūre diw gu h͈ēñ gile chi suma yaram, def na ko ndig suma sūl.

¹³ Chi dega mangi len di wah͈, Fu ñu mun a wāre linjil bile chi aduna si yepa, di nañu nitali la jigen jile def on ndah͈ di ko fatalako.

¹⁴ Fōfale kena chi fuk’ ak ñar ña, ku tūda Judas Iscariot, dem fa i njīt i seriñ ya,

¹⁵ Te ne len, Lan ngēn ma joh͈, te di nā len ko jebal? Ñu dige ak mōm ñeta fuk’ i dogit i h͈alis.

¹⁶ Cha ganou lōlu mu ūt naka la ko mun a ore.

¹⁷ Chi bes i h͈ewte i mburu’ njanja bu jeka, tālube ya ñou fi Yesu, ne, Fan nga buga ñu wājal la ndah͈ nga leka h͈ewte gi?

¹⁸ Mu ne, Dem len chi bir deka ba fa kena nit, te ne ko, Jemantalkat ba ne, Suma wah͈tu jegeñsi na; di nā h͈umbal h͈ewte ga chi sa nēg, ak suma i tālube.

¹⁹ Tālube ya def la len Yesu wah͈ on, waj h͈ewte ga.

²⁰ Ba ngon jote, mu tōg di leka ak fuk’ i tālube ya ak ñar;

²¹ Ba ñu di leka, mu ne, Chi dega mangi len di wah͈, kena chi yēn di na ma ori.

²² Ñu nah͈arlu bu miti, te ku neka dal ne ko, Borom bi, man lā’m?

²³ Mu tontu, ne, Ki jō loh͈o am ak man chi ndap li, kōka ma ori.

²⁴ Dōm i nit ka di na dem naka ñu bind’ on la jem chi mōm; wande suboh͈un nit ka ko ori! bāh͈ on na chi nit kōkale su juduūl on.

²⁵ Fōfale Judas ma ko or, tontu ne, Man lā’m, Rabbi? Mu ne ko, Wah͈ nga ko.

²⁶ Ba ño leka, Yesu jel mburu, gerem Yalla, dogat ko, te joh͈ ko tālube ya, ne, Jel len, leka; lile suma yaram la.

²⁷ Mu jel mbatu, gerem Yalla, te joh͈ len ko, ne, Nān len chi yēn ñepa;

²⁸ Ndege lile di suma deret i koleri gu ês, ja di tūru ndig ñu bare ndege mbaale’ i bakar.

²⁹ Wande mangi len di wah͈, Du ma nānati dōm i garap i biñ bile, be cha bes bōba ma ko nāni bu ês ak yēn chi suma ngur i Bay.

³⁰ Ba ñu sante, ñu dem chi tūnda i Olive ya.

³¹ Fōfale Yesu ne len, Di ngēn fakatalu ndig man chi gudi gile yēn ñepa: ndege binda nañu, ne, Di nā dōr sama ba, te i nh͈ar i gēta ga di nañu h͈ajātlaku.

³² Wande ganou bu ma dēketi, di nā len jītu cha Galilee.

³³ Wande Peter tontu ko, ne, Su ñepa fakatalô ndig you, man du ma fakatalu muk.

³⁴ Yesu ne ko, Chi dega ma ne la, chi gudi gile, bala seh͈a ga sab, di nga ma wēdi ñet i yōn.

³⁵ Peter ne ko, Su ma dēe ak you sah͈, du ma la wēdi. Tālube ya yepa ne nōga itam.

³⁶ Yesu nak ñou ak ñom chi bereb bu tūda Gethsemane, te ne i tālube am, Tōg len file ba ma dem ñān fale.

³⁷ Mu jel ak mōm Peter ak ñar i dōm i Zebedee, dôr di yogorlu ak nah͈arlu lol.

³⁸ Mu ne len, Suma fit angi nah͈arlu bu miti, be chi dē sah͈: jēki len file, te otu ak man.

³⁹ Mu dem tūti cha kanam, defēnu chi suf, te ñān, ne, E suma Bay, su munê am, na nānu bile wey fi man: wande du naka ma ko buge, wande naka nga ko buge.

⁴⁰ Mu ñou fi tālube ya, feka len ñu di nelou, te ne Peter, Lan! munu len a otu ak man wena wah͈tu?

⁴¹ Otu len te ñān, ndah͈ du len tabi chi bulis: fit wi souar na chi dega, wande yaram wi new na dōle.

⁴² Mu dem ñarel i yōn wa, te ñān, ne, E suma Bay, su lile munulê wey, lu moy ma nān ko, lo buga na am.

⁴³ Mu ñouati, feka len ñu di nelou, ndege sēn i but dīs on nañu.

⁴⁴ Mu bayiati len, dem, te ñān ñetel i yōn wa, wah͈ati bāt yōgale.

⁴⁵ Fōfale mu ñou fi tālube ya, te ne len, Nelou len lēgi, te nopalaku: wah͈tu wi jegeñsi na, te or nañu Dōm i nit ka chi loh͈o i bakarkat ya.

⁴⁶ Jog len, na ñu dem, ki ma orsi jegeñsi na.

⁴⁷ Ba mu wah͈andô, Judas, kena chi fuk’ ak ñar ña, ñou, and’ ak mōm mbōlo mu rey ñu am i jāsi ak i doko, ñu juge fa i njīt i seriñ ya ak i mag i nit ña.

⁴⁸ Ki ko or nak joh͈ na len firnde, ne, Ka ma fōni, mōm la: japa len ko.

⁴⁹ Mu ñou fi Yesu chi tah͈ouay, ne, Noyu nā la, Rabbi, te mu fōn ko.

⁵⁰ Yesu ne ko, Anda, defal li la tah͈ a dika. Fōfale ñu ñou, teg sēn i loh͈o chi Yesu, te jel ko.

⁵¹ Kena chi ña neka ak Yesu talal loh͈o am, bochi jāsi am, dōr rapas i kēlifa i seriñ ya, te dog nop’ am.

⁵² Yesu ne ko, Delōl sa jāsi chi mbar am: ndege ñepa ña fab jāsi, di nañu dānu ak jāsi.

⁵³ Dēfe nga ne munu ma dagān suma Bay, te lēgi mu may ma lu upa jurom bena fuka njūne’ malāka am?

⁵⁴ Wande naka la mbinda mi di motalikô, ne nōgu la ela ame?

⁵⁵ Chi wah͈tu wōwale Yesu ne mbōlo ma, Dika ngēn jelsi ma ak i jāsi ak i doko, niki sachakat? Dan nā tōg ak yēn gir gu neka, di jemantale chi juma ja, te japu len ma won.

⁵⁶ Wande lile yepa am na, ndah͈ mbinda i yonent ya motaliku. Fōfale la ko tālube ya yepa woche, te dou.

⁵⁷ Ña jap’ on Yesu yubu ko cha nēg i Caiaphas, kēlifa i seriñ ya, fa bindānkat ya ak mag ya dajalo won.

⁵⁸ Wande Peter topa ko bu sorey chi ker i kēlifa i seriñ ya, h͈araf chi bir, te tōg ak rapas ya, ndah͈ mu sêt muj ga.

⁵⁹ I njīt i seriñ ya nak ak ndaje ma yepa ūt sēde i fen lu jem chi Yesu, ndah͈ ñu rēy ko.

⁶⁰ Sēdekat i fen yu bare ñou nañu, wande amu ñu dara. Cha ganou ga ñar ñou, ne,

⁶¹ Nit kile wah͈ on na, ne, Mun nā dānel juma’ Yalla, te tabah͈ati ko chi ñet’ i fan.

⁶² Kēlifa i seriñ ya jog, te ne ko, Do tontu dara? li la ñile sēdêl?

⁶³ Wande Yesu japa gemeñ am. Kēlifa i seriñ ya ne ko, Mangi la dagān chi tur i Yalla ji di dunda, nga wah͈ ñu ndah͈ yā di Krista, Dōm i Yalla.

⁶⁴ Yesu ne ko, Wah͈ nga ko: te mangi len di wah͈, Ganou lile di ngēn gisi Dōm i nit ka mu di tōg chi loh͈o’ ndējor i kantan, di wachasi chi i nir i asaman.

⁶⁵ Fōfale kēlifa i seriñ ya h͈oti chol am, ne, H͈as na Yalla: ban sēde la ñu soh͈lāti? Dēga ngēn h͈as am nak:

⁶⁶ Lan ngēn dēfe? Ñu tontu ne, Dagan na dē.

⁶⁷ Fōfale ñu tufli chi kanam am, te mbumbanda ko: ñenen dōr ko ak sēn i loh͈o,

⁶⁸ Ne, Tolātle ñu, you Krista, kan a la dōr?

⁶⁹ Peter nak don na tōg cha biti cha ker ga: bena janh͈a ñou fi mōm, ne, Yā nek’ on ak Yesu wā’ Galilee ba.

⁷⁰ Wande mu wēdi chi kanam i ñepa, ne, H͈amu ma li nga wah͈.

⁷¹ Ba mu deme be h͈araf cha rum ba, kenen gis ko, te ne ña fa neka, Kile nek’ on na itam ak Yesu wā’ Nazareth ba.

⁷² Mu wēdêti ak ngeñ, ne, H͈amu ma nit ki.

⁷³ Ganou lōlale tūti, ña tah͈ou fa ñou fi Peter, te ne ko, Chi dega kena chi ñom nga; ndege sa laka fêñal na la.

⁷⁴ Fōfale mu dal di mōlu, di geñ, ne, H͈amu ma nit ki. Nōn’ ak nōna seh͈a ga sab.

⁷⁵ Peter fataliku bāt ba Yesu wah͈ on, ne, Bala seh͈a ga sab, di nga ma wēdi ñet’ i yōn. Mu gēna, te joy bu miti.