Matthew 24 - Linjil i Yesu Krista Suñu Borom bi 1907

¹ Yesu don na gēna cha juma ja, di dem yōn am; te i tālube am ñou fi mōm, di ko won i tabah͈ i juma ja.

² Wande mu tontu len, ne, Sêtu len yef yile yepa? Chi dega mangi len di wah͈, Bena h͈êr du des chi kou morom am bu ñu dul dānel chi suf.

³ Ba mu tōge chi tūnda i Olive ya, tālube ya ñou fi mōm chi mpet, ne, Wah͈ ñu, kañ la yef yile di ami? te la di doi sa mandarga’ ndika, ak i muj i aduna si?

⁴ Yesu tontu len, ne, Otu len bu len kena nah͈.

⁵ Ndege ñu bare di nañu ñoui chi suma tur, ne, Mā di Krista, te di nañu nah͈i ñu bare.

⁶ Te di ngēn dēga i h͈are ak i h͈abar i h͈are: otu len ngēn jāh͈le: ndege yile soh͈la naño am; wande muj ga dikangul.

⁷ Ndege h͈êt di na jog chi kou h͈êt, ak ngur chi kou ngur: i h͈īf di nañu ami, ak i yengatu’ suf si chi bereb yu bare.

⁸ Wande yile yepa ndôrte i nah͈ar la.

⁹ Fōfale di nañu len jebale ndah͈ ñu geten len, te di nañu len rēy: h͈êt yi yepa di nañu len sib ndig man.

¹⁰ Fōfale ñu bare di nañu fakatalu, orante, te sibante.

¹¹ Yonent i nafeh͈a yu bare di nañu jogi, te nah͈ ñu bare.

¹² Te ndig bakar di na fūs, nchofel i ñu bare di na wañiku.

¹³ Wande ka di muñ be cha muj ga, di na mucha.

¹⁴ Bile linjil i ngur gi, di nañu ko wāre chi aduna si yepa ndig sēde chi h͈êt yi yepa; cha ganou ga muj ga di na ñou.

¹⁵ Bu ngēn di gisi suboh͈un ak h͈udosun mbōk mu di tah͈ou chi bereb bu sela ba, naka Daniel yonent ba wah͈ on (ka ko janga na h͈am),

¹⁶ Fōfale na ña neka chi Judæa dou cha tūnda ya:

¹⁷ Ku neka chi kou nēg, bu mu wacha mu gēne yef ya chi nēg am:

¹⁸ Te ku neka chi tōl am, bu mu delusêti jel yēre am.

¹⁹ Wande ndeysan jigen ña bir, ak ña di nampal chi bes yōgale!

²⁰ Ñān len ndah͈ sēn dou du neka chi wah͈tu’ seda, wala chi bes i dimas:

²¹ Ndege chi wah͈tu wōwale, nah͈ar wu rey di na ami, naka mu mosulê am cha ndôrte’ aduna si bentey, dēt, te dōtu am bel mōs.

²² Su ñu gatalul on bes yōgale, ken du kon muchi: wande ngir ña ñu tana, di nañu gatal bes yōgale.

²³ Fōfale su ñu len ne, Krista angile, mbāte mungale; bu len ko gum.

²⁴ Ndege Krista yu nafeh͈a di nañu jogi, ak yonent yu nafeh͈a, te wone mandarga yu rey ak i koutef; be ñu di nah͈i ña ñu tana sah͈, su munê am.

²⁵ Mangi len di yēgal bala wah͈tu wa jot.

²⁶ Mōtah͈ su ñu len wah͈e, ne, Munga cha manding ma; bu len fa dem: munga chi bir nēg ya; bu len ko gum.

²⁷ Ndege naka melah͈ ma jugê cha penku, te fêñu be cha h͈arfu, nōgu la ndika i Dōm i nit ka di mel.

²⁸ Fu rēnda neka, fa la jah͈ay ya di dajalo.

²⁹ Cha ganou nah͈ar i bes yōyale, nōn’ ak nōna janta bi di na lendem, wêr wi du joh͈e lêr am, bidiw yi di nañu dānu cha asaman, te i kantan i asaman si di nañu yengatu:

³⁰ Fōfale mandarga i Dōm i nit ka di na fêñ cha asaman; h͈êt i aduna si yepa di nañu yeremtu, te di nañu gis Dōm i nit ka mu di ñou chi i nir i asaman si ak kantan ak ndam lu rey.

³¹ Te di na yōni malāka am ya ak nchōu i bufta bu rey, te di nañu dajale ña mu tan’ on chi ñenent i ngelou yi, cha bop’ i asaman be cha muj ga.

³² Dēglu len nak lēb i garap i sōto ga: ba banh͈as am mokase, te i h͈ob am suh͈ase, h͈am ngēn ne nauet jegeñsi na;

³³ Nōgu itam su ngēn gise yef yile yepa, na ngēn h͈am ne jegeñsi na, be chi sēn bunta sah͈.

³⁴ Chi dega mangi len di wah͈, H͈êt wile du wey be yef yile yepa am.

³⁵ Asaman ak suf di na wey, wande suma i bāt du wey.

³⁶ Wande ken h͈amul bes bōbale ak wah͈tu wōgale, du malāka i ajana ya sah͈, wala Dōm ja, wande suma Bay bi dal.

³⁷ Naka i bes i Noah nek’ on, nōgu la ndika i Dōm i nit ka di meli.

³⁸ Ndege naka chi bes yu jītu on tufan la, ñunga don leka, nān, sey te seylo, be cha bes ba Noah h͈arafe chi gāl ga,

³⁹ Te yēgu ñu be tufan la ñou yubuāle len ñepa; nōgu la ndika i Dōm i nit ka di meli.

⁴⁰ Fōfale ñar i nit di nañu neki chi tōl; ñu jel kena, te bayi ka cha des:

⁴¹ Ñar i jigen di nañu di wol chi wolukay; ñu jel kena, te bayi ka cha des.

⁴² Otu len mbōk; ndege h͈amu len ban bes la sēn Borom di ñoui.

⁴³ Wande h͈am len lile, ne su borom‐ker ga h͈am on chi wan wah͈tu la sachakat ba di ñou, otu kon na, te du bayi mu toj nēg am.

⁴⁴ Mōtah͈ na ngēn di defaru yēn it: ndege Dōm i nit ka di na ñoui chi wah͈tu bu ngēn dul fōg.

⁴⁵ Kan a di bukanēg mbōk bu taku te têy, bu borom am jītal chi ker am, ndah͈ mu joh͈ len sēn dundu chi wah͈tu wa?

⁴⁶ Barkel chi bukanēg bōbale, ba borom am di feka mu di def nōga ba mu agse.

⁴⁷ Chi dega mangi len di wah͈, Di na ko teg njīt cha la mu am yepa.

⁴⁸ Wande su bukanēg bu bon bale wah͈e chi h͈ol am, ne, Suma borom yīh͈ na;

⁴⁹ Te dal di dōr i naule am, leka ak nān ak mandikat ya;

⁵⁰ Borom i bukanēg bōbale di na ñou chi bes bu mu ko sēnuwul, ak chi wah͈tu wu mu h͈amul,

⁵¹ Dog ko chi diga, te sedāle ko nafeh͈a ya: fōfale la joy di neka, ak yey i buñ.