Matthew 22 - Linjil i Yesu Krista Suñu Borom bi 1907

¹ Yesu tontu te wah͈ati len chi i lēb, ne,

² Ngur i ajana niro na ak bena bur bu h͈umbal on nchēt i dōm am;

³ Te yōni i ndau am ñu ôal ko ña mu ô on chi nchēt la; ñu bañ a dika.

⁴ Mu yōnêti yenen i ndau, ne, Wah͈ len ña ma ô on, Da ma wāj suma añ, rēndi suma i nag ak suma i rab yu dūf, te yepa emba na: ñou len chi nchēt li.

⁵ Wande ñu sagane ko, te dem sēn yōn, kena cha tōl am, kenen cha jayukay am:

⁶ Ña des japa i ndau am, tedadil len, te rēy len.

⁷ Wande bur ba mer, yōni i h͈are am, rēylu bōmkat yōyale, te laka sēn deka.

⁸ Fōfale mu ne i ndau am, Nchēt li emba na, wande ña ma ô on motu ñu.

⁹ Dem len mbōk chi mbeda ya, te ñu ngēn gis ñepa, ô len chi nchēt li.

¹⁰ Ndau ya dem cha mbeda ya, dajale ña ñu gis ñepa, ña bon ak ña bāh͈ itam; nchēt la fês ak ña ñu ô.

¹¹ Wande ba bur ba h͈arafse ndah͈ mu sêt ña ñou on, mu gis fa nit ku solul on chol i nchēt ga:

¹² Mu ne ko, H͈arit, naka nga fi h͈arafe, te amu la chol i nchēt gi? Wah͈ul dara.

¹³ Fōfale bur ba ne i rapas am, Ew len loh͈o am ak tank’ am, te sani ko chi lendem i biti; fōfale la joy di neka ak yey i buñ.

¹⁴ Ndege ñu bare la ñu ô, wande ñu new la ñu tana.

¹⁵ Fōfale la Pharisee ya deme, te fēncha naka ñu ko mun a jape chi kadu am.

¹⁶ Ñu yōni fi mōm sēn i tālube ak ga’ Herod, ne, Jemantalkat bi, h͈am nañu ne yā di dega, di jemantale yōn i Yalla chi dega, te ragalu la ken, ndege sêtu la kanam i nit.

¹⁷ Wah͈ ñu nak, Lo dēfe? Ndah͈ dagan na ñu joh͈ Cæsar ngalak, am dēt.

¹⁸ Wande Yesu gis sēn kēfēr, te ne len, Lutah͈ ngēn di ma fire, yēn nafeh͈a yi?

¹⁹ Won len ma h͈ālis i ngalak li. Ñu yub ko h͈asab.

²⁰ Mu ne len, Bile ban natal la ak mbinda?

²¹ Nu ne ko, Cæsar la. Mu ne len mbōk, Joh͈ len Cæsar yef i Cæsar; te Yalla yef i Yalla.

²² Ba ñu ko dēge, ñu jomi, bayi ko, te dem sēn yōn.

²³ Bes bōbale i Sadducee, ñu ne ndēkite amul, ñou fi mōm, te lāj ko,

²⁴ Ne, Jemantalkat bi, Musa wah͈ on na, ne, Su nit dēe te amul dōm, rak’ am war na sey ak jabar am, te jur dōm chi mag am;

²⁵ Jurom ñar i dōm i ndey nak anga won ak ñun: mag ba sey on na, dē, te amul dōm, te bayi jabar am ak rak’ am;

²⁶ Ñarel ba itam def nōgule, ak ñetel ba, be cha jurom ñarel ba.

²⁷ Ganou ga jigen ja itam dē.

²⁸ Chi ndēkite ga mbōk, jabar i kan la di neka chi jurom ñar ña? ndege ñepa sey on nañu ak mōm.

²⁹ Yesu tontu len, ne, Da ngēn jūm, ndege h͈amu len mbinda ya, wala kantan i Yalla.

³⁰ Ndege chi ndēkite ga du ñu sey, te du ñu len maye chi sey, wande di nañu neka naka malāka ya cha ajana.

³¹ Wande mosu len a janga lu jem chi ndēkite ga, la len Yalla wah͈ on, ne,

³² Mā di Yalla i Ibrayuma, ak Yalla i Isaka, ak Yalla i Yanh͈oba? Yalla du Yalla i ñu dē ña, wande ñu dunda ña.

³³ Ba ko mbōlo ma dēge, ñu jomi cha njemantal am.

³⁴ Wande ba Pharisee ya dēge ne mō nopilo won Sadducee ya, ñu dajalo.

³⁵ Kena chi ñom ku h͈amkat i yōn la won, lāj ko di ko fir, ne,

³⁶ Jemantalkat bi, ban eblê gen a rey chi yōn wi?

³⁷ Mu ne ko, Na nga sopa Borom bi sa Yalla ak sa h͈ol bepa, ak sa fit wepa, ak sa nh͈el mepa.

³⁸ Bile di eble bu rey ba ak bu jeka ba.

³⁹ Te ñarel bu niro ak mōm di bile, Na nga sopa sa morom niki sa bopa.

⁴⁰ Chi ñar i eble yile la yōn wa yepa ak la yonent ya bind’ on japu.

⁴¹ Ba Pharisee ya dajalô, Yesu lāj len, ne,

⁴² Lan ngēn dēfe chi Krista? dōm i kan la? Ñu ne ko, Dōm i Dauda.

⁴³ Mu ne len, Naka la ko Dauda chi Nh͈el ma ôe Borom bi mbōk, ne,

⁴⁴ Borom bi nôn na suma Borom, Tôgal chi suma ndējor, be ma def sa i mbañ chi sa run tanka?

⁴⁵ Su ko Dauda ôe Borom bi, naka mu neke dōm am?

⁴⁶ Ken munu ko tontu bena bāt, te cha ganou lōlale, ken ñemeñatu ko lāj dara.