Matthew 20 - Linjil i Yesu Krista Suñu Borom bi 1907

¹ Ndege ngur i ajana niro na ak bena borom‐ker ku gēna chi sūba têl, ndah͈ mu binda i ligeykat chi tōl am.

² Ba mu wah͈ante ak ligeykat ya h͈asab bechek, mu yōni len cha tōl am.

³ Mu gēnati potah͈ chi jurom ñenentel i wah͈tu, gis ñenen ñu tah͈ou chi jēy ba te defu ñu dara,

⁴ Mu ne len, Dem len yēn it cha tōl ba, te di nā len joh͈ lu ela. Ñu dem.

⁵ Mu gēnati potah͈ chi fukel i wah͈tu ak ñar, ak chi ñetel i wah͈tu, te def nōga.

⁶ Chi juromel i wah͈tu chi ngon potah͈ mu gēnati, feka ñenen ñu tah͈ou; mu ne len, Lutah͈ ngēn tah͈ou fi bechek bi bepa, te defu len dara?

⁷ Ñu ne ko, Ndege ken a ñu bindul. Mu ne len, Dem len yēn it cha tōl ba.

⁸ Ba ngon jote, borom‐tōl ba ne bukanēg am, Ôal ligeykat ya, te joh͈ len sēn mpey, di dôr cha ña muje be cha ña jek’ on.

⁹ Ba ña mu bind’ on potah͈ juromel i wah͈tu chi ngon ñoue, nit ku nek’ am h͈asab.

¹⁰ Ba ñu jeka ñoue, ñu fōg ne di nañu jot lu upa lōga; wande ku neka itam am h͈asab.

¹¹ Ba ñu ko jele, ñu ñurumtu lu jem chi borom‐ker ga, ne,

¹² Ñile muje wena wah͈tu reka la ñu ligey, te nga emale len ak ñun, ñi enu on disay i bechek bi ak tangay am.

¹³ Wande mu tontu kena chi ñom, ne, H͈arit, tōñu ma la: du bena h͈asab la ñu wah͈ante won am?

¹⁴ Jelal li la lew, te dem sa yōn; buga nā joh͈ kile muje lu day ni sa bos.

¹⁵ Ndah͈ daganul ma def lu ma buga chi lu ma mōm? mbar sa but bon na, ndege mā bāh?

¹⁶ Nōnule ña muje di nañu jītuji; te ña jītu di nañu mujeji.

¹⁷ Yesu don na dem cha Jerusalem, te chi yōn wa mu jel fuk’ i tālube ya ak ñar chi mpet, ne len,

¹⁸ Ñunge dem cha Jerusalem, te di nañu jebal Dōm i nit ka i njīt i seriñ ya ak bindānkat ya; te di nañu ko ate ndah͈ mu dē;

¹⁹ Di nañu ko jebal Gentile ya, ndah͈ ñu ñaual ko, ratah͈ ko, te dāj ko cha kura; te chi ñetel i fan am di na dēki.

²⁰ Fōfale ndey ī dom i Zebedee ñou fi mōm, ak dōm am yu gōr, di ko jāmu, te lāj ko lef.

²¹ Mu ne ko, Lan nga buga? Mu ne ko, Na nga ebal ne suma ñar i dōm yile tōg, kena chi sa ndējor, kena chi sa chamoñ chi sa ngur.

²² Wande Yesu tontu, ne, H͈amu len li ngēn di lāj. Ndah͈ mun ngēn a nān nān ba ma nāni? Ñu ne ko, Mun nañu ko.

²³ Mu ne len, Di ngēn nān suma nān chi dega: wande tōg chi suma ndējor ak suma chamoñ, munu ma ko maye kena, ganou ña ko suma Bay ba wājal.

²⁴ Ba ko fuka ña dēge, ñu mere ñar i mboka ya.

²⁵ Wande Yesu ô len fi mōm, te ne, H͈am ngēn ne i kēlifa i Gentile ya ēlif nañu len, te ñu rey ña ate nañu len ak sañsañ.

²⁶ Du neka nōgule chi sēn digante; wande ku buga rey chi sēn digante, na neka sēn bukanēg;

²⁷ Te ku buga neka sēn njīt, na neka sēn jām.

²⁸ Naka Dōm i nit ka ñouūl ndah͈ ñu bukanēgu ko, wande ndah͈ mu bukanēgu, te may dund’ am njot ngir ñu bare.

²⁹ Ba ñu gēne cha Jericho, mbōlo mu rey topa ko.

³⁰ Te ñar i silmah͈a ñu tōg chi wet i yōn wa, ba ñu dēge ne Yesu jār na fa, ñu h͈āchu, ne, Borom bi, yerem ñu, you dōm i Dauda!

³¹ Mbōlo ma h͈ule len ndah͈ ñu nopi; wande ñu dolê h͈āchu, ne, Borom bi, yerem ñu, you dōm i Dauda!

³² Yesu tah͈ou, te ô len, ne, Lan ngēn buga ma defal len?

³³ Ñu ne ko, Borom bi, na suñu i but ūbiku.

³⁴ Yesu am yermande chi ñom, lāl sēn i but, te chi tah͈ouay sēn i but gis, te ñu topa ko.