Matthew 19 - Linjil i Yesu Krista Suñu Borom bi 1907

¹ Am on na ba Yesu sotal on kadu yile, mu juge cha Galilee, te ñou chi i mpeg’ i Judæa ganou Jordan:

² Mbōlo mu rey topa ko, mu weral len fa.

³ Pharisee ya ñou fi mōm, di ko fir, te ne ko, Ndah͈ dagan na nit fase jabar am ndig lu mu mun a don?

⁴ Mu tontu len, ne, Ndah͈ jangu len ne ka len bind’ on cha ndôrte la, dafa len bind’ on gōr ak jigen,

⁵ Te nôn, Ndig lile tah͈na be nit di bayi bay am ak ndey am, bōlo ak jabar am, te di nañu neka bena yaram ñom ñar?

⁶ Nōgule nekatu ñu ñar, wande bena yaram. Mōtah͈ lu Yalla bōlāte, nit waru ko fasāle.

⁷ Ñu ne ko, Bōba lutah͈ on Musa ebal ñu joh͈ mbind’ i mpase, te fase ak mōm?

⁸ Mu ne len, Musa ndig sēn degeray i h͈ol bayi on na len ngēn fase ak sēn i jabar: wande amul on nōgule cha ndôrte la.

⁹ Te mangi len di wah͈, Ku fase ak jabar am, lu moy mu di chi njālo, te sey ak kenen, njālo na: te ku sey ak ka ñu fase, njālo na.

¹⁰ Tālube ya ne ko, Su neke nōgule chi digante gōr ak jabar am, bāh͈ul ñu sey mbōk.

¹¹ Wande mu ne len, Ñepa munu ño nangu kadu gile, wande ña ñu ko may dal.

¹² Ndege i yōm la ñu judu on nōga cha sēn bir i ndey; yenen i yōm la ñu nit yōmlo; te i yōm la ñu yōmlo sēn bopa ngir ngur i ajana. Ku ko mun a nangu, na ko nangu.

¹³ Fōfale ñu indi fi mōm gūne yu tūti, ndah͈ mu teg i loh͈o am chi ñom, te ñānal len: tālube ya h͈ūle len.

¹⁴ Wande Yesu ne, Bayi len gūne yu tūti yi ñu ñou fi man, te bu len len tēre: ndege ngur i ajana lew na ña mel ni ñom.

¹⁵ Mu teg i loh͈o am chi sēn kou, te juge fōfa.

¹⁶ Kena ñou fi mōm, ne, Jemantalkat bi, lan lef lu bāh͈ lā ela def, ndah͈ ma mun a am dunda gu dul jêh͈?

¹⁷ Mu ne ko, Lutah͈ nga lāj ma lu jem chi lu bāh͈? Kena la ku bāh͈: wande so buge h͈araf chi dunda, dēgal eble ya.

¹⁸ Mu ne ko, Yan? Yesu ne, Bul rēy ken, Bul njālo, Bul sacha, Bul sēde fen,

¹⁹ Teralal sa bay ak sa ndey: te, Sopal sa morom niki sa bopa.

²⁰ Far wa ne ko, Lōlu yepa lā dēncha: lan lā ñakati?

²¹ Yesu ne ko, So buge mot, na nga dem, jay lo am, sarah͈ ko miskin ya, te di nga am jur cha ajana: te ñou, topa ma.

²² Wande ba far wa dēge kadu ga, mu dem ak nah͈ar; ndege am on na alal ju bare.

²³ Yesu ne i tālube am, Chi dega mangi len di wah͈, Jafeñ na borom‐alal h͈araf chi ngur i ajana.

²⁴ Te ma nêti len, Gen na yomba gelem tabi chi bir but i pursa, aste borom‐alal h͈araf chi ngur i Yalla.

²⁵ Ba tālube ya dēge lōla, ñu jomi lol, ne, Ndōg kan a mun a mucha?

²⁶ Yesu sêt len, ne len, Lile munul a am ak nit; wande dara teūl Yalla.

²⁷ Fōfale Peter tontu ko, ne, Ñun ño wocha yepa, te topa la; lan la ñu ami mbōk?

²⁸ Yesu ne len, Chi dega mangi len di wah͈, Chi ndelute ga, ba Dōm i nit ka di tōgi chi kou gangūne’ ndam am, yēn ñi ma topa, di ngēn tōgi chi kou fuk’ i gangūne ak ñar, di ate fuk’ i h͈êt i Israel ak ñar.

²⁹ Te ku neka ku bayi i nēg, mbāt i raka, mbāt i jigen, mbāte bay, mbāte ndey, mbāt i dōm, mbāt i tōl ngir man, di na ami lu bare lu len upa, te dona dunda gu dul jêh͈.

³⁰ Wande bare na ña jītu di nañu mujeji; te ña muje di nañu jītuji.