Matthew 17 - Linjil i Yesu Krista Suñu Borom bi 1907

¹ Ganou jurom ben’ i fan, Yesu jel Peter, James, ak John rak’ am, te yubu len chi kou tūnda wu koue, ñom dal:

² Mu sopaliku chi sēn kanam: h͈ar‐kanam am di melah͈ niki janta bi, te ser am wêh͈ tal niki lêr gi.

³ Te Musa ak Elijah fêñu len, di wah͈tān ak mōm.

⁴ Peter tontu, ne Yesu, Borom bi, bāh͈ na chi ñun ñu neka file: su la nêh͈e, di nā fi defar ñet’ i mbār; bena you, bena Musa, ak bena Elijah.

⁵ Ba mu wah͈ande, nir wu ne naña umba len, te bāt juge cha nir wa, ne, Kile di suma Dōm ja ma sopa; chi mom lā def suma h͈ol bepa; dēga len ko.

⁶ Ba ko tālube ya dēge, ñu defēnu chi suf, te tīt lol.

⁷ Yesu ñou, te lāl len, ne, Jog len, te bu len tīt.

⁸ Ba ñu yēkate sēn but, gisatu ñu ken, ganou Yesu dal.

⁹ Ba ñu wache tūnda wa, Yesu ebal len, ne, Bu len wah͈ kena mpêñu mile, be ba Dōm i nit ka di dēki cha ñu dē ña.

¹⁰ I tālube am lāj ko, ne, Lutah͈ bindānkat ya ne Elijah ela na jeka ñou?

¹¹ Mu tontu len, ne, Elijah di na ñou chi dega, to delo yef yepa:

¹² Wande mangi len di wah͈, Elijah ñou on na jēg, te h͈amu ñu ko won, wande ñu def ko lu ñu buga chi mōm. Nōgu itam la ño sonaleji Dōm i nit ka.

¹³ Tālube ya h͈am nak, ne wah͈ na len lu jem chi John Batisekat ba.

¹⁴ Ba ñu dike chi mbōlo ma, nit ñou fi mōm, di sūka fi mōm, ne,

¹⁵ Borom bi, amal yermande chi suma dōm ju gōr; ndege defa say, te getenu bu miti; faral na tabi chi safara, ak chi ndoh͈.

¹⁶ Yubu on nā ko chi sa i tālube, te munu ñu ko weral.

¹⁷ Yesu tontu, ne, E h͈êt wu gumadi, te deger‐bopa, be kañ lā neka ak yēn? be kañ lā len muñal? Indi ko fi man.

¹⁸ Yesu h͈ūle ko, te jine ja gēna chi mōm; cha wah͈tu wōwale h͈alel ba wer.

¹⁹ Fōfale tālube ya ñou fi Yesu chi kumpa, ne, Lutah͈ ño ko munul on a gēne?

²⁰ Mu ne len, Ndig sēn gumadi: ndege chi dega mangi len di wah͈, Su ngēn ame ngum gu day niki pēp’ i sūna, di ngēn wah͈ tūnda wile, Roñul cha bereb bale; te di na roñu; te kôn dara du len te.

²¹ Wande h͈êt wile du gēna lu dul chi ñān ak chi kôr.

²² Ba ñu deke chi Galilee, Yesu ne len, Di nañu or Dōm i nit ka chi loh͈o i nit;

²³ Di nañu ko rēy, te chi ñetel i fan am di na dēki. Ñu nah͈arlu lol.

²⁴ Ba ñu dike chi Capernaum, ña di jel ngalak la ñou fi Peter, ne, Ndah͈ sēn borom du fey ngalak?

²⁵ Mu ne, Wau. Ba mu h͈arafe chi nēg ba, Yesu jekantu ko, ne, Lo dēfe Simon? I bur i suf si, chi kan la ñu di jele bāh͈ wala ngalak? chi sēn i dōm am, am chi i gan?

²⁶ Ba mu ne, Chi gan yi, Yesu ne ko, Kôn dōm ya du ñu war a fey.

²⁷ Wande ndah͈ du ñu len fakatal, demal cha gēch ga, sani ôs, te japa jen wu jeka fêñ; bo ūbe gemeñ am, di nga cha feka dogit i h͈ālis: jel ko, te joh͈ len ko ngir man ak you.