Matthew 16 - Linjil i Yesu Krista Suñu Borom bi 1907

¹ Pharisee ya ak Sadducee ya ñou di ko fir, te lāj ko mu won len mandarga cha asaman.

² Wande mu tontu len, ne, Su janta soe, ngēn ne, Di nañu am bes bu nêh͈ tey, ndig asaman si h͈onh͈a na:

³ Ti chi sūba, Di na h͈ēn tey, ndege asaman si tīm na. Mun ngēn a rañātle kanam i asaman si; wande munu len a rañātle melo i jamāno yi.

⁴ H͈êt wu bon ak njālo ūt na mandarga; du ñu ko may mandarga, lu dul mandarga i Jonah. Mu bayi len, te dem.

⁵ Tālube ya ñou cha genen wet ga, te ñu fate won a jel mburu.

⁶ Yesu ne len, Otu len te moytu mporoh͈al i Pharisee ya ak Sadducee ya.

⁷ H͈alāt nañu chi sēn bopa, ne, Ndig indiū ñu on mburu.

⁸ Ba ko Yesu h͈ame, mu ne, E gā’ ngum gu new, lutah͈ ngēn werante chi sēn digante, ndege amu len mburu?

⁹ Dēgangu len, wala fatalakuwu len jurom i mburu i jurom njūne ya, te ñāt’ i sendel ngēn forātu on?

¹⁰ Wala jurom ñar i mburu i ñenent njūne ya, te ñāt’ i sendel ngēn forātu on?

¹¹ Lutah͈ be h͈amu len ne wah͈u ma len chi mburu? Wande ndah͈ ngēn otu mporoh͈al i Pharisee ya ak Sadducee ya.

¹² Fōfale ñu h͈am ne wah͈ul len ñu otu mporoh͈al i mburu, wande njemantal i Pharisee ya ak Sadducee ya.

¹³ Ba Yesu ñoue chi i wet i Cæsarea Philippi, mu lāj i tālube am, ne, Man mi di Dōm i nit ka, kan la nit ña wah͈ ne mōm la?

¹⁴ Ñu ne, Ñena ña ne, John Batisekat ba; ñenen ne, Elijah; te ñenen ne, Jeremiah, wala kena chi yonent ya.

¹⁵ Mu ne len, Wande yēn, kan ngēn wah͈ ne mōm la?

¹⁶ Simon Peter tontu, ne, Yā di Krista, Dōm i Yalla ju dunda ji.

¹⁷ Yesu tontu ko, ne, Barkel chi you, Simon dōm i Jonah; ndege du yaram te du deret a la fêñal lōlu, wande suma Bay ba cha ajana.

¹⁸ Te mangi la wah͈ it, ne yā di Peter, te chi doch wile lā di tabah͈ suma jangu; te bunt’ i nāri du ko fabi.

¹⁹ Di nā la may i chābi’ ngur i ajana: te lu neka lo taka chi suf, di na taku cha ajana; te lu neka lo tiki chi suf, di na tikiku cha ajana.

²⁰ Fōfale mu ebal tālube ya, ne bu ñu wah͈ ken ne mō di Krista.

²¹ Cha sā sōsale Yesu dal di won i tālube am naka mu ela deme fa Jerusalem, te sona yef yu bare chi mag ya, ak i njīt i seriñ ya, ak bindānkat ya, te di ko rēyi, mu di dēkiji chi ñetel i fan am.

²² Peter japa ko, te dal di ko eda, ne, Borom bi, na la Yalla yerem; lile du la dal muk.

²³ Wande mu walbatiku, te ne Peter, Randu ma, Seytane si; yā di suma mpaka; ndege topatoū la yu jem chi yef i Yalla, wande yef i nit.

²⁴ Fōfale Yesu ne i tālube am, Su nit buge and’ ak man, na wēdi bop’ am, gadu kura am, te topa ma.

²⁵ Ndege ku mu mun a don ku buga musal bakan am, di na ko rēr: te ku mu mun a don ku di rērlo bakan am ndig man, di na ko gis.

²⁶ Ndege ban njeriñ la chi nit, su ame aduna si yepa, te mu ñaka bakan am? wala wan wēchi la nit di joh͈e ndig bakan am?

²⁷ Ndege Dōm i nit ka di na ñou chi ndam i Bay am, ak i malāk’ am; te chi wah͈tu wōwale di na yōl nit ku neka naka ligey am day.

²⁸ Chi dega mangi len di wah͈, Ñena ñi tah͈ou file, du ñu mos dē, be ba ñu di gisi Dōm i nit ka mu di ñou chi ngur am.