Matthew 14 - Linjil i Yesu Krista Suñu Borom bi 1907

¹ Cha jamāno jōjale Herod kēlifa ga dēg’ on na lu ñu wah͈ lu jem chi Yesu,

² Te mu ne bukanēg am ya, Kile di John Batisekat ba; dēki na cha dē ga; mōtah͈ koutef yile fêñ nañu chi mōm.

³ Ndege Herod jap’ on na John, ewo ko, te tej ko chi kaso, ndig Herodias, jabar i Philip rak’ am.

⁴ Ndege John dān na ko wah͈, ne, Daganul nga sey ak mōm.

⁵ Ba mu ko buge rēy, mu ragal mbōlo ma, ndege fōg nañu ne yonent la won.

⁶ Wande ba ño h͈umbal bes i njudu’ Herod, dōm i Herodias ju jigen fēcha chi sēn digante, mu nêh͈ Herod lol.

⁷ Mōtah͈ mu dig ak geñ ne, di na ko may lu mun a don lu mu lāj.

⁸ Mōm nak ndege ndey am jeñtal na ko, ne, May ma file bop’ i John Batisekat ba chi ndap.

⁹ Bur ba nah͈arlu ko; wande ndig geñ am ga, ak ña tōg on ak mōm di leka, mu ebal ñu may ko ko.

¹⁰ Mu yōni ku dog bop’ i John chi kaso ba.

¹¹ Ñu indi bop’ am chi ndap, may ko janh͈a ba, mu yubu ko fa ndey am.

¹² Tālube am ya ñou, jel yaram wa, sūl ko, te dem nitali ko Yesu.

¹³ Ba ko Yesu dēge, mu juge fa chi gāl chi manding mu wēt: ba mbōlo ma dēge lōla, ñu rūnga topa ko tank’ ak tanka cha deka ya.

¹⁴ Mu gēna, te gis mbōlo mu rey; mu am yermande chi ñom, te weral sēn i jarak.

¹⁵ Ba ngon jote, i tālube am ñou fi mōm, ne, File manding la, te wah͈tu wi wey na jēg; na nga ebal mbōlo mi ñu dem cha bir deka ya, te jenda dundu.

¹⁶ Wande Yesu ne len, Soh͈laū ño dem; may len ñu leka.

¹⁷ Ñu ne ko, Am nañu fi jurom i mburu reka, ak ñar i jen.

¹⁸ Mu ne, Indi len fi man.

¹⁹ Mu ebal mbōlo ma ñu tōg chi kou ñah ma, jel jurom i mburu ya ak ñar i jen ya, yēkati but am cha asaman, gerem Yalla, dogat mburu ya, joh͈ len talube ya, te tālube ya joh͈ len mbōlo ma.

²⁰ Ñepa leka be sūr; ñu forātu ndesit ma be ñu fêsal fuk’ i sendel ak ñar.

²¹ Ña lek’ on jurom i njūne’ gōr la ñu potah͈, ganou i jigen ak i gūne.

²² Nōn’ ak nōna mu jeñtal i tālube am ñu duga chi gāl ga, te jītu ko cha genen wet ga, be ba mu demlô mbōlo ma.

²³ Ganou ba mu demlô mbōlo ma, mu yēg cha kou tūnda wa ndah͈ mu ñān Yalla, te chi gudi ga mu neka fa mōm dal.

²⁴ Wande nak gāl ga nek’ on na chi kou gēch ga, di yengatu chi dūs ya; ndege ngelou la defa nah͈ari won.

²⁵ Chi ñenentel i wah͈tu chi gudi gi, mu dem fa ñom di doh͈ chi kou gēch ga.

²⁶ Ba ko i tālube am gise mu di doh͈ chi kou gēch ga, ñu tīt, ne, Njuma la; te ñu h͈āchu ndig tītay.

²⁷ Wande Yesu wah͈ len chi tah͈ouay, ne, Dalal len sēn h͈ol: Man la; bu len tīt.

²⁸ Peter tontu ko, ne, Borom bi, su de you, ô ma ma ñou fi you chi kou ndoh͈ mi.

²⁹ Mu ne ko, Ñoual. Peter wacha chi gāl ga, te mu doh͈ chi kou ndoh͈ ma mu dem fa Yesu.

³⁰ Wande ba mu gise ngelou li, mu tīt, te dal di dīg; mu h͈āchu, ne, Borom bi, musal ma.

³¹ Nōn’ ak nōna Yesu talal loh͈o am, te japa ko, ne ko, E borom‐ngum gu new, lutah͈ nga nimse?

³² Ba ñu ñoue chi bir gāl ga, ngelou li dal.

³³ Te ña neka chi gāl ga jāmu ko, ne, Chi dega yā di Dōm i Yalla.

³⁴ Ba ñu jale, ñu dika chi suf si, chi Gennesaret.

³⁵ Ba ko nit ña cha wet gōgale h͈ame, ñu yōni chi rew mōma yepa, indi fa mōm ña jēr ñepa;

³⁶ Te dagān ko ndah͈ ñu mun a lāl omb’ i cholay am reka; te ña ko lāl ñepa ñu wer cheng.