Matthew 13 - Linjil i Yesu Krista Suñu Borom bi 1907

¹ Chi bes bōba Yesu gēna on na cha nēg ba, te tōg cha tefes ga.

² Mbōlo mu rey dajalo fi mōm; tah͈na mu duga chi gāl, tōg, te mbōlo ma yepa tah͈ou cha tefes ga.

³ Mu wah͈ len yef yu bare chi i lēb, ne, Bena jikat dem on na ji;

⁴ Te ba mu jie, yena pēpa rot nañu cha wet i yōn wa, te mpicha ya dika for len;

⁵ Yenen rot chi i bereb i doch, fa ñu amule suf su bare; ñu gou a sah͈, ndege suf sa h͈ōtul;

⁶ Ba janta ba fenke mu laka len; te ñu lah͈, ndege amu ñu rên.

⁷ Yenen rot chi digante i tah͈as, te tah͈as yi sah͈ando ak ñom, te waka len:

⁸ Yenen rot chi suf su bāh͈ sa, te mēña mēñef, yena ya tēmēr, yale jurom bena fuka, yale ñeta fuka.

⁹ Ku am i nopa, na dēga.

¹⁰ Tālube ya ñou te ne ko, Lutah͈ nga wah͈ ak ñom chi i lēb?

¹¹ Mu tontu len, ne, Yēn la ñu may ngēn h͈am i kumpa i ngur i ajana, wande ñom mayu ñu len ko.

¹² Ndege ka am mōm la ño may, te di na am lu bare; wande ka amul, di nañu jel la mu am sah͈.

¹³ Mōtah͈ ma wah͈ ak ñom chi i lēb; ndege ba ñu gise, du ñu gis; te ba ñu dēge du ñu dēga; te fafu ñu di h͈am.

¹⁴ Te chi ñom la bāt i Isaiah motaliku, ne, Di dēga di ngēn dēga, wande du len h͈am; te di gis di ngēn gis, wande du len sēnu:

¹⁵ Ndege h͈ol i nit ñile dūf na, sēn i nopa teh͈ nañu, te tej nañu sēn i but; ndah͈ du ñu gis ak sēn i but, dēga ak sēn i nopa, tūb, te ma weral len.

¹⁶ Wande barkel chi sēn i but, ndege da ñu gis; ak sēn i nopa, ndege da ñu dēga.

¹⁷ Ndege chi dega mangi len di wah͈, Yonent yu bare ak nit ñu jūb bug’ on naño gis li ngēn gis, te gisu ñu ko won; te dēga li ngēn dēga, wande dēgu ñu ko won.

¹⁸ Dēga len mbōk lēb i jikat ba.

¹⁹ Ba kena dēge bāt i ngur gi, te h͈amu ko, fōfale la Seytane ñoue, te dindi la ñu ji won chi h͈ol am. Kile di ka ñu ji won chi wet i yōn wa.

²⁰ Te ka ñu ji won chi i bereb i doch, mō di ka dēga bāt bi, te dal di ko nangu ak banēh͈;

²¹ Wande amul rên chi bop’ am, te muñ chi sā yu new dal; ndege su nah͈ar joge wala ngeten ndig bāt bi, nōg’ ak nōga mu fakatalu.

²² Ka ñu ji won chi digante tah͈as ya, mō di ka dēga bāt bi; te i ntopato’ aduna si, ak nah͈ay i amam, waka bāt bi, mu bañ a mēña dōm.

²³ Te ka ñu ji won chi suf su bāh͈ sa, mō di ka dēga bāt bi, te h͈am ko, te mēña dōm chi dega, yena ya tēmēr, yale jurom bena fuka, yale ñeta fuka.

²⁴ Mu teg benen lēb chi sēn kanam, ne, Ngur i ajana niro na ak nit ka ji on jiu ju bāh͈ chi tōl am;

²⁵ Wande ba ñu neloue, mbañ am dika, te ji nduh͈um chi digante dugup ja, te dem.

²⁶ Ba dugup ja sah͈e, te mēña dōm, nduh͈um la fêñ itam.

²⁷ I rapas i borom‐ker ga ñou, te ne ko, Borom bi, ndah͈ jiū la won jiu ju bāh͈ chi sa tōl? naka la ame nduh͈um nak?

²⁸ Mu ne len, Ab mbañ a def lōlu. Rapas ya ne ko, Buga nga ñu dem budi len?

²⁹ Wande mu ne, Dēt, h͈ēchna bu ngēn di budi nduh͈um la, di ngēn budiāle dugup ja it.

³⁰ Bayi len ñar ña ñu sah͈ando be cha ngōbte ga; te cha wah͈tu’ ngōbte ga di nā wah͈ gōbkat ya, ne, Budi len jeka nduh͈um la, taka ko i say te laka ko; wande dajale len dugup ja chi suma sah͈a.

³¹ Mu teg benen lēb chi sēn kanam, ne, Ngur i ajana niro na ak pēp’ i sūna, bu nit fab, te ji chi tōl am;

³² Mō gen a tūt chi i pēpa yepa; wande su sah͈e, mō gen a rey chi gir am yepa, te mu neka garap be mpich’ i asaman yi di dika dal chi i banh͈as am.

³³ Mu wah͈ len benen lēb, ne, Ngur i ajana niro na ak mporoh͈al bu jigen jel, te def chi ñet’ i andār i sunguf, be yepa foroh͈.

³⁴ Yesu wah͈ on na mbōlo ma yef yile yepa chi i lēb, te wah͈u len dara lu dul chi lēb:

³⁵ Ndah͈ la yonent ba wah͈ on motaliku, ne, Di nā ūbi suma gemeñ chi i lēb; di nā yēgle yef yu nubu cha ndôrte’ aduna si.

³⁶ Fōfale Yesu bayi mbōlo ma, h͈araf chi nēg ba; te tālube am ya ñou fi mōm, ne, Tiki ñu lēb i nduh͈um i tōl ba.

³⁷ Mu tontu len, ne, Ka ji jiu wu bāh͈ ba, Dōm i nit ka la;

³⁸ Tōl ba aduna si la; jiu wu bāh͈ wa i dōm i ngur ga la; nduh͈um la i dōm i bulis la;

³⁹ Mbañ ma ko ji on Seytane la; ngōbte ga muj i aduna si la; te gōbkat ya ño di malāka ya.

⁴⁰ Naka ñu budi nduh͈um la, te laka ko chi safara, nōgu la di neki chi muj i aduna.

⁴¹ Dōm i nit ka di na yōne i malāk’ am, te di nañu forātu chi ngur am yef yu moylo yepa, ak ña def lu bon;

⁴² Te sani len cha safara sa; fōfale la joy di neka, ak yey i buñ.

⁴³ Bōba ñu jūb ña di nañu melah͈ na janta bi chi sēn ngur i Bay ba. Ku am i nopa na dēga.

⁴⁴ Ngur i ajana niro na ak alal bu nubu chi bir tōl; ba ko nit feke mu nuba ko, dem chi banēh͈ am jay lu mu am on yepa, te jenda tōl bōbale.

⁴⁵ Ngur i ajana nirôti na ak jūla ku don ūt jamong yu bāh͈;

⁴⁶ Ba mu feke bena jamong ju jafe njēg, mu dem jay lu mu am on yepa, te jenda ko.

⁴⁷ Ngur i ajana nirôti na ak mbal mu ñu sani chi gēch, mu japa h͈êt i jen wu neka:

⁴⁸ Ba mu fêse, ñu h͈ēcha ko chi tefes; ñu tōg chi suf, te dajale yu bāh͈ ya chi i ndap, wande sani yu bon ya fale.

⁴⁹ Nōgule la neki chi muj i aduna: malāka ya di nañu juge, te h͈ajātle ñu bon ña cha ñu jūb ña,

⁵⁰ Te sani len chi safara si: fōfale la joy di neka, ak yey i buñ.

⁵¹ Ndah͈ dēga ngēn yef yile yepa? Ñu ne ko, Wau.

⁵² Mu ne len, Bindānkat bu neka mbōk bu ñu nekalo tālube chi ngur i ajana, niro na ak borom‐ker ku gēne chi dēnchukay am lu ês ak lu maget.

⁵³ Am on na ba Yesu sotal on lēb yile, mu juge fōfa.

⁵⁴ Ba mu dike chi rew am, mu jemantale len chi sēn i juma, tah͈na ñu jomi, ne, Nit kile naka la ame h͈amh͈am bile, ak koutef yile?

⁵⁵ Kile du dōm i minise bā’m? du ndey am a tūda Mariama? te i rak’ am James, ak Yusufa, ak Simon, ak Judas?

⁵⁶ Te i jigen am, du chi suñu digante la ñu neka? Naka la kile ame yef yile yepa?

⁵⁷ Ñu fakatalu chi mōm. Wande Yesu ne len, Yonent ñakul teranga lu moy chi dek’ am, ak chi ker am.

⁵⁸ Defu fa i koutef yu bare ndig sēn gumadi.