Matthew 12 - Linjil i Yesu Krista Suñu Borom bi 1907

¹ Cha jamāno jōjale Yesu jār on na cha tō i mboh͈a ya chi bes i dimas; te i tālube am h͈īf, dōr di budi i gub i mboh͈a ya, te di leka.

² Wande Pharisee ya ba ñu gise lōla, ñu ne ko, Sêtal, sa i tālube ange def lu daganul a def chi bes i dimas.

³ Wande mu ne len, Ndah͈ jangu len la Dauda def on ba mu h͈īfe, ak ña and’ on ak mōm;

⁴ Na mu h͈arafe chi nēg i Yalla ba, te leka mburu ma ñu dān wone, ma daganul on mu leka, wala ña and’ on ak mōm, wande seriñ ya dal?

⁵ Jangu len itam chi mbinda yi naka seriñ ya chi bes i dimas moy dimas ja cha juma ja, te bakaru ñu?

⁶ Wande mangi len di wah͈, Kena angile ki gen a rey as juma ja.

⁷ Wande su ngēn h͈am on lu lile tiki, Yermande lā buga as h͈arfan, kôn dōtu len eda ña moyul.

⁸ Ndege Dōm i nit ka mō di Boromdimas.

⁹ Mu juge fōfale, te h͈araf chi sēn juma:

¹⁰ Te gōr anga fa ku am loh͈o bu lagi. Ñu lāj ko, ne, Mbar dagan na weral chi bes i dimas? Ndah͈ ñu mun ko jêñ.

¹¹ Mu ne len, Kan nit a neka chi yēn ku am bena nh͈ar, su dānô chi mpah͈ chi bes i dimas, do ko japa te dindi ko?

¹² Naka la nit gene nh͈ar! Mōtah͈ dagan na def lu bāh͈ chi bes i dimas.

¹³ Fōfale mu wah͈ gōr ga, ne, Talalal sa loh͈o. Mu talal ko; mu wer niki benen ba.

¹⁴ Wande Pharisee ya gēna, te fēncha naka ñu ko mun a rēye.

¹⁵ Yesu h͈am lōla, te mu sipi fōfale; ñu bare topa ko; mu weral len ñom ñepa.

¹⁶ Te mu ebal len, ne, Bu ko kena h͈am:

¹⁷ Ndah͈ la Isaiah yonent ba wah͈ on motaliku, ne,

¹⁸ Sêt len, suma ndau ba ma tana; suma sopa ka nêh͈ lol chi suma fit; di nā teg suma Nh͈el chi kou am, te di na yēgle lu jūb chi Gentile ya.

¹⁹ Du h͈ūlo, mbāte h͈āchu, te ken du dēga bāt am chi mbeda yi.

²⁰ Du dama sonka bu lūnka, du fey gilinta bu di sah͈ar, be mu yōni njūbay be chi ndam.

²¹ Te chi tur am la Gentile ya di yākari.

²² Fōfale ñu indi fa mom kena ku jine jap’ on, ka silmah͈a te lū; mu weral ko, tah͈na nit ka lū on wah͈ te gis.

²³ Nit ña ñepa jomi, te ne, Kile du dōm i Dauda’m?

²⁴ Wande ba ko Pharisee ya dēge, ñu ne, Kile gēneūl jine ya lu dul chi Abdujambar njīt i jine ya.

²⁵ Mu h͈am sēn i h͈alāt, te ne len, Ngur gu neka gu h͈ajāliku chi bop’ am, di na ñou chi ntaste; te deka bu neka, mbāte nēg, bu h͈ajāliku chi bop’ am du tah͈ou:

²⁶ Te su Seytane gēnê Seytane, hajāliku na chi bop’ am; naka la ngur am di tah͈oue mbōk?

²⁷ Su ma gēnê i jine chi Abdujambar, sēn i dōm chi kan la ñu len gēne? mōtah͈ di nañu neka sēn i atekat.

²⁸ Wande su ma gēnê jine ya chi Nh͈el i Yalla, bōba ngur i Yalla dika na fi yēn.

²⁹ Naka la kena munê h͈araf chi nēg i borom‐dōle, te yah͈a alal am, su jekulê taka borom‐dōle ja? te ganou lōla di na yah͈a nēg am.

³⁰ Ku nekul ak man, bañ na ma; te ku dajaleūl ak man, defa tasāre.

³¹ Mōtah͈ ma ne len, Bakar bu neka ak h͈as i Yalla, di nañu ko baal nit; wande ku h͈as Nh͈el mu Sela ma, du ñu ko baal.

³² Te ku wah͈ lu bon lu jem chi Dōm i nit ka, di nañu ko baal; wande ku wah͈ lu bon lu jem chi Nh͈el mu Sela ma, du ñu ko baali muka chi aduna sile, wala chi lah͈īra.

³³ Bāh͈lo len garap gi ak i dōm am; mbāte bonlo len garap gi ak i dōm am; ndege rañātle nañu garap gi chi i dōm am.

³⁴ E dōm i ñangor yi, yēn ñi bon, naka ngēn mune wah͈ lu bāh͈? ndege lu fês chi h͈ol gemeñ gi wah͈ ko.

³⁵ Nit ku bāh͈ di na gēne yef yu bāh͈ chi dēnchukay am bu bāh͈; wande nit ku bon di na gēne yef yu bon chi dēnchukay am bu bon.

³⁶ Te mangi len di wah͈, Bāt i nēn bu neka bu nit di wah͈, di na joh͈i warugal am chi bes i ate ba.

³⁷ Ndege chi sa i bāt la ñu la joh͈i njūbal, te chi sa i bāt la ñu la joh͈i ndānute.

³⁸ Fōfale ñena chi bindānkat ya ak Pharisee ya tontu ko, ne, Jemantalkat bi, buga naño gis mandarga chi you.

³⁹ Wande mu tontu len, ne, H͈êt i ēfar ak i njālokat ūt na mandarga, wande du ñu ko may mandarga lu moy mandarga i Jonah yonent ba;

⁴⁰ Ndege naka Jonah nek’on chi bir mbonkana ma ñet’ i bechek ak ñet’ i gudi, nōgule la Dōm i nit ka di nekeji chi h͈ol i suf si ñet’ i bechek ak ñet’ i gudi.

⁴¹ Ga’ Nineveh ña di nañu tah͈ou chi bes i ate ba ak h͈êt wile, te ey len; ndege rēchu on nañu chi wāre’ Jonah, te ku gen a rey Jonah angi fi.

⁴² Bur i gopu bu jigen ba di na tah͈ou chi bes i ate ba ak h͈êt wile, te ey len; ndege juge on na fu sorey ndah͈ mu dēga sago i Suleyman, te ku gen a rey Suleyman angi fi.

⁴³ Wande nh͈el mu sobe mi, ba mu gēne chi nit, mu doh͈ chi bereb yu wou, di ūt noflay, te feku ko.

⁴⁴ Fōfale mu ne, Di nā delu chi suma nēg fa ma gēn’ on; te ba mu deluse, mu feka ko am nēn, mu būb, te nah͈ātu.

⁴⁵ Mu dem, te bōle ak mōm yenen jurom ñar i nh͈el yu gen a bon as bop’ am, ñu h͈araf chi bir, te deka fa; te muj i nit kōkale gen na bon as ndôrte am. Nōgule la di meli chi h͈êt wu bon wile.

⁴⁶ Ba mu wah͈andô ak mbōlo ma, ndey am ak i rak’ am tah͈ou cha biti, di buga wah͈ ak mōm.

⁴⁷ Kena ne ko, Sa ndey ak sa i rak’ anga tah͈ou cha biti, di buga wah͈ ak you.

⁴⁸ Wande mu tontu ka ko wah͈, ne, Kan a di suma ndey? te ñan a di suma i raka?

⁴⁹ Mu talal loh͈o am chi i tālube am, te ne, Sêt len, suma ndey ak suma i raka!

⁵⁰ Ndege ku mu mun a don ku di def suma mbugel i Bay ba cha ajana, mō di suma raka, ak suma jigen, ak suma ndey.