John 8 - Linjil i Yesu Krista Suñu Borom bi 1907

¹ Cha lelek sa têl Yesu ñouati cha juma ja;

² Te nit ña ñepa dika fi mōm, te mu tōg te jemantal len.

³ Te bindānkat ya ak Pharisee ya indi jigen ja ñu jap’ on chi njālo, te ba ñu ko tah͈ouale chi sēn diga,

⁴ Ñu ne ko, Jemantalkat bi, fek’ on nañu jigen jile chi njālo, cha tah͈ouay ba.

⁵ Musa chi yōn wi ebal on na ñu jumat ko ak i doch ku mel ni mōm: you nak, ana lo wah͈ chi mōm?

⁶ Te lile wah͈ nañu ko di ko jēm, ndah͈ ñu mun a am lu ñu ko jêñ. Wande Yesu sega, te binda chi suf si ak baram am.

⁷ Wande ba ñu ko tope di lāj, mu yēkatiku, te ne len, Ku amul bakar chi yēn, na ko jeka sani doch.

⁸ Te mu segati, te binda chi suf si ak baram am.

⁹ Te ñom, ba ñu ko dēge, ñu gēna bena bena, dôre ko cha mag ña be cha ka muje: te Yesu reka des, ak jigen ja fa mu nek’ on chi digante ba.

¹⁰ Te Yesu yēkatiku te ne ko, Jigen ji, ana ñu? ndah͈ ken ēyu la?

¹¹ Te mu ne, Dowul kena, Borom bi. Te Yesu ne, Man itam ēyu ma la: demal sa yōn: ganou tey bul bakarati.

¹² Yesu wah͈ati len, ne, Mā di lêr i aduna si: ku ma topa du doh͈ chi lendem, wande di na am lêr i dūnda.

¹³ Tah͈na Pharisee ya ne ko, Yā sēde sa bopa: sa sēde dowul dega.

¹⁴ Yesu tontu te ne len, Su ma sēde suma bopa sah͈, suma sēde dega la: ndege h͈am nā fu ma juge won, te fu ma di dem; wande yên h͈amu len fu ma juge won te fu ma di dem.

¹⁵ Yēn da ngēn di ate naka yaram wi; man atewu ma ken.

¹⁶ Te su ma ate sah͈, suma ate dega la; ndege dowul man reka fi neka, wande man ak Bay ba ma yōni on.

¹⁷ Binda nañu itam chi sēn yōn ne sēde i ñar i nit dega la.

¹⁸ Mā di kena ka sēde suma bopa, te Bay ba ma yōni on mō ma sēde.

¹⁹ Ñu ne ko, Ana sa Bay? Yesu tontu, ne, H͈amu len ma, te h͈amu len suma Bay: su ngēn ma h͈am on, h͈am kon ngēn suma Bay itam.

²⁰ Yesu wah͈ on na bāt yile cha dēnchukay ba, ba mo jemantale cha juma ja: te ken japatu ko; ndege wah͈tu am ñouangul.

²¹ Mu nêti len, Di nā dem, te yēn, di ngēn ma ūti, te di ngēn dē chi sēn i bakar: fa ma dem du len fa ñou.

²² Yauod ya ne nak, Ndah͈ di na rēy bop’ am, be mu ne, Fa ma di dem, du len fa ñou?

²³ Te mu ne len, Yēn chi suf ngēn juge; man juge nā cha kou: chi aduna sile ngēn boka; man boku ma chi aduna sile.

²⁴ Tah͈ on na ma wah͈ len, ne, Di ngēn dē chi sēn i bakar: ndege su ngēn gumule ne mā di mōm, di ngēn dē chi sēn i bakar.

²⁵ Ñu ne ko mbōk, Yā di kan? Yesu ne len, Lōlu ma len wah͈ on cha ndôrte la.

²⁶ Am nā lu bare lu ma wah͈ ak ate chi lu jem chi yēn; wande ka ma yōni on dega la; te yef yi ma dēg’ on chi mōm, yef yile lā wah͈ chi aduna si.

²⁷ H͈amu ñu on ne chi lu jem cha Bay ba la len wah͈ on.

²⁸ Yesu nêti len, Ba ngēn di yēkatiji Dōm i nit ka, bōba nak di ngēn h͈am ne mā di mōm, te defu ma dara chi suma bopa, wande naka ma Bay ba jemantale won, na lā wah͈e yef yile.

²⁹ Te ka ma yōni on anda na ak man; bayiwu ma man kena; ndege di nā di def yef ya ko nêh͈ sā su neka.

³⁰ Ba mo wah͈ yef yile, ñu bare gum nañu chi mōm.

³¹ Tah͈na Yesu ne Yauod ya gum on chi mōm, Su ngēn deke chi suma bāt, yēn a di suma i talube chi dega;

³² Te di ngēn h͈am dega gi, te dega gi di na len musal chi njām.

³³ Ñu tontu ko, ne, Neka nañu i dōm i Ibrayuma, te bentey neku ñu on i jām i ken: naka nga wah͈e, ne, Di ngēn mucha chi njām?

³⁴ Yesu tontu len, ne, Chi dega, chi dega, ma ne len, Ku neka ku def bakar, mō di jām i bakar.

³⁵ Te jām ba du deka chi ker ga bel mos: dōm ja di na fa deka bel mos.

³⁶ Tah͈na su len Dōm ji di musali chi njām, di ngēn am njambur chi dega.

³⁷ H͈am nā ne yēn a di dōm i Ibrayuma; wande ūt ngēn ma rēy, ndege suma bāt amul bena bereb chi yēn.

³⁸ Wah͈ nā yef ya ma gis on ak suma Bay; te yēn, def ngēn itam yef ya ngēn dēg’ on chi sēn bay.

³⁹ Ñu tontu te ne ko, Suñu bay a di Ibrayuma. Yesu ne len, Su ngēn nek’ on i dōm i Ibrayuma, kōn di ngēn def i ligey i Ibrayuma.

⁴⁰ Wande lēgi da ngēn ma ūt a rēy, nit ka len wah͈ dega gi, ga ma dēg’ on cha Yalla; lile Ibrayuma defu ko won.

⁴¹ Def ngēn sēn i ligey bay. Ñu ne ko, Jūduwu ñu on chi njālo; bena bay la ñu am, mu di Yalla.

⁴² Yesu ne len, Su Yalla nek on sēn bay, don ngēn ma sopi: ndege mā juge won te ñou fa Yalla; te diku ma chi suma bopa, wande mō ma yōni on.

⁴³ Lutah͈ ngēn h͈amul suma wah͈? ndege munu len a dēga suma bāt.

⁴⁴ Chi sēn bay Seytane ngēn boka, te sēn i h͈emem i bay ngēn buga def. Mō don bōmkat cha ndôrte la, te tah͈ouwul on chi dega gi, ndege dega nekul chi mōm. Su wah͈e fen, mu wah͈ bop’ am: ndege mō di fenkat, te di bay ja.

⁴⁵ Wande ndege wah͈ nā dega gi, gumu len ma.

⁴⁶ Ana kan chi yēn a mun a wone ne def nā bakar? Su ma wah͈e dega, ana lutah͈ be gumu len ma?

⁴⁷ Ku far ak Yalla dēga i bāt i Yalla: ndig lile tah͈ ngēn dēgadi len, ndege faru len ak Yalla.

⁴⁸ Yauod ya tontu te ne ko, Ndah͈ wah͈u ñu dega ne yā di wā’ Samaria, te ame jine?

⁴⁹ Yesu tontu, ne, Amewu ma jine; wande teral nā suma Bay, te yēn, da ngēn ma teradi.

⁵⁰ Wande ūtu ma ndam i suma bopa: kena am na ka di ūt te di ate.

⁵¹ Chi dega, chi dega, ma ne len, Su kena dēnche suma bāt, du gisi dē bel mos.

⁵² Yauod ya ne ko, Da ñu h͈am lēgi ne ame nga jine. Ibrayuma dē na, ak yonent ya; te nga ne, Su kena dēnche suma bāt, du mos dē bel mos.

⁵³ Ndah͈ yā gēti on suñu bay Ibrayuma, ka dē? te yonent ya dē nañu: kan nga def sa bopa?

⁵⁴ Yesu tontu, ne, Su ma magale suma bopa, suma magay dowul dara: suma Bay a ma di magal; ka ngēn ne, mō di sēn Yalla;

⁵⁵ Te h͈amu len ko; wande mā ko h͈am: te su ma ne, H͈amu ma ko, kōn mā di fenkat na yēn: wande h͈am nā ko, te dēncha nā bāt am.

⁵⁶ Sēn bay Ibrayuma banēh͈u on na gis suma bes; te gis on na ko, te kontan.

⁵⁷ Yauod ya ne ko mbōk, Amangu la jurom fuk’ i at, te ndah͈ gis on nga Ibrayuma?

⁵⁸ Yesu ne len, Chi dega, chi dega, ma ne len, Ba Ibrayuma jūdôngul, mā am.

⁵⁹ Tah͈na ñu jel i doch ndah͈ ñu jumat ko: wande Yesu nuba bop’ am, te gēna cha biti juma ja.