John 7 - Linjil i Yesu Krista Suñu Borom bi 1907

¹ Cha ganou yef yile Yesu doh͈ on na cha Galilee: ndege bugul on a doh͈ chi Judea, ndege Yauod ya don nañu ko ūt a rēy.

² Te h͈ewte i Yauod ya jegēnsi na, mu di h͈ewte i mbār ya.

³ Mbok’ am ya ne ko nak, Gēnal file te dem cha Judea, ndah͈ sa i talube itam mun a gis sa koutef yi nga def.

⁴ Ndege ken deful lef chi kumpa, te mō buga ñu h͈am ko chi biti. So defe yef yile fêñal sa bopa chi aduna si.

⁵ Ndege i mbok’ am sah͈ gumu ñu on chi mōm.

⁶ Yesu ne len, Suma wah͈tu jotangul; wande sēn wah͈tu sā su neka la.

⁷ Aduna si munul len a bañ; wande man la bañ, ndege sēde nā chi lu jem chi mōm ne i ligey am bon nañu.

⁸ Yēn dem len cha h͈ewte ga; mā demangul cha h͈ewte gile; ndege suma wah͈tu motangul.

⁹ Ba mu len wah͈e yef yile, mu dekandi cha Galilee.

¹⁰ Wande ba i mbok’ am deme cha h͈ewte ga, mu dem fa itam, du chi kanam i ñepa, wande chi wētay.

¹¹ Yauod ya nak ūt ko cha h͈ewte ga, te ne, Ana mu?

¹² Te werante yu bare neka chi bir mbōlo ya chi lu jem chi mōm: ñena ne, Nit ku bāh͈ la; ñenen ne, Dēdēt, wande defa nah͈ mbōlo ma ndah͈ ñu jada.

¹³ Wande ken wah͈ul chi biti chi lu jem chi mōm, ndig ragal i Yauod ya.

¹⁴ Wande ba dig’ i h͈ewte ga jote, Yesu dem cha bir juma ja, te jemantale.

¹⁵ Tah͈na Yauod ya jomi, ne, Naka la kile def be mun a janga, te mosul a jemantu?

¹⁶ Yesu tontu len mbōk, te ne, Suma njemantal dowul suma bos, wande bos i ka ma yōni on.

¹⁷ Su kena buge def mbugel am, di na h͈am su njemantal mi juge cha Yalla, mbāte da ma wah͈al suma bopa.

¹⁸ Ku di wah͈ chi bop’ am, ndam i bop’ am la di ūt: wande ku di ūt ndam i ka ko yōni on, mō di dega, te jubadi nekul chi mōm.

¹⁹ Ndah͈ Musa joh͈ul len on yōn wi? te ken chi yēn deful yōn wi. Ana lutah͈ ngēn di ma ūt a rēy?

²⁰ Mbōlo ma tontu, ne, Am nga jine: ana ku la ūt a rēy?

²¹ Yesu tontu te ne len, Def on nā bena koutef, te ngēn jomi yēn ñepa.

²² Mōtah͈ Musa joh͈ on na len h͈arfal (du cha Musa la juge, wande cha h͈āt ya); te chi Dimas ngēn di h͈arfal gōr.

²³ Su ngēn h͈arfale gōr chi Dimas mbōk, ndah͈ du len moy eble’ Musa ba, ndah͈ da ngēn ma mere ndege weral on nā nit cheng cha Dimas ja?

²⁴ Bu len ate chi h͈ar kanam, wande ate len ate bu jūb.

²⁵ Ñena chi wā’ Jerusalem ya ne nak, Ndah͈ du kile la ñu ūt a rēy?

²⁶ Te munga wah͈ chi biti, te wah͈u len ko dara. Ndah͈ kēlifa ya h͈am nañu ne kile di Krista chi dega?

²⁷ Wande h͈am nañu kile fu mu juge: wande su Krista ñoue, ken du h͈am fu mu juge.

²⁸ Tah͈na Yesu h͈āchu cha juma ja, di jemantale, ne, Da ngēn ma h͈am, te h͈am fu ma juge itam; te diku ma chi suma bopa, wande ka ma yōni on dega la, ka ngēn h͈amul.

²⁹ Mā ko h͈am; ndege fa mōm lā juge, te mō ma yōni on.

³⁰ Ñu di ko ūt a japa nak; wande ken tegul loh͈o chi kou am, ndege wah͈tu am jotangul.

³¹ Wande lu bare cha mbōlo ma gum on nañu chi mōm; te ñu ne, Su Krista di dika, ndah͈ di na def koutef yu upa yi kile def on?

³² Pharisee ya dēga mbōlo ma ñu werante yef yile chi lu jem chi mōm; te njīt i seriñ ya ak Pharisee ya yōni i saltige ñu japa ko.

³³ Yesu ne len, Wah͈tu wu new reka lā neka ak yēn, te di nā dem fa ka ma yōni on.

³⁴ Di ngēn ma ūti, te du len ma gis; te fu ma neka, du len mun a dika.

³⁵ Tah͈na Yauod ya ne chi sen bopa, Fan la kile di dem, be du ñu ko mun a feka? ndah͈ di na dem cha ña tasāro cha bir Gentile ya, te jemantal Gentile ya am?

³⁶ Ana lu di bāt bile mu wah͈, Di ngēn ma ūti, te du len ma gis; te fu ma neka, du len mun a dika?

³⁷ Cha bes i h͈ewte bu rey bu muje ba, Yesu tah͈ou te h͈achu, ne, Su kena mare, na ñou fi man te nān.

³⁸ Ku gum chi man, naka mbinda ya wah͈e, i deh͈ i ndoh͈ um dūnda di nañu wal chi bir am.

³⁹ Wande wah͈ on na lile chi lu jem cha Nh͈el ma, ndah͈ ña gum chi mōm di nañu am; ndege mayêngu ñu Nh͈el ma, ndege Yesu amangul ndam am.

⁴⁰ Ñena chi mbōlo ma nak, ba ñu dēge bāt yōyu, ne, Chi dega kile di yonent ba.

⁴¹ Ñenen ne, Kile di Krista. Wande ñenen ne, Lan, ndah͈ cha Galilee la Krista di jugeji?

⁴² Ndah͈ mbinda mi wah͈ul on, ne Krista di na jugeji chi gēño’ Dauda, ak cha Bethlehem, deka ba Dauda nek’ on?

⁴³ Lile indi na werante be mbōlo ma h͈ājale ko.

⁴⁴ Te ñena chi ñom buga nañu ko japa; wande ken tegul loh͈o chi kou am.

⁴⁵ Saltige ya nak delusi chi i njīt i serin ya ak Pharisee ya; te ñu ne len, Ana lutah͈ be indiwu len ko?

⁴⁶ Saltige ya tontu, ne, Ken mosul a wah͈ niki kile.

⁴⁷ Pharisee ya tontu len, ne, Ndah͈ yēn itam da ngēn di jada?

⁴⁸ Ndah͈ ñena chi kēlifa yi am nañu ngum chi mōm, mbāte chi Pharisee yi?

⁴⁹ Wande mbōlo mile ñi h͈amul yōn wi, da ñu alaku.

⁵⁰ Nicodemus ne len (ka jek’ on a dika fi mōm, te kena la chi ñom),

⁵¹ Ndah͈ suñu yōn ate na nit, su ko jekule dēga, te h͈am lu mu def?

⁵² Ñu tontu te ne ko, Ndah͈ you itam cha Galilee nga boka? Ūtal te gis ne cha Galilee bena yonent jugewu fa.

⁵³ Te ku neka ñibi cha ker am; wande Yesu dem cha tūnda i Olive ya.