John 6 - Linjil i Yesu Krista Suñu Borom bi 1907

¹ Cha ganou yef yile Yesu dem on na cha genen wet i gēch i Galilee, bu di gēch i Tiberias.

² Te mbōlo mu rey topa ko, ndege gis on nañu koutef ya mu def on cha ña op’ on.

³ Te Yesu yēg cha kou tunda wa, te tōg fa ak i tabube am.

⁴ Te bena h͈ewte i Yauod ya jegeñsi na.

⁵ Yesu nak, ba mu yēkate i but am, mu gis mbōlo mu rey di ñou fi mōm, te ne Philip, Ana fu ñu di jendi mburu ndah͈ ñile mun a leka?

⁶ Te wah͈ na lile ndah͈ mu sêtlu ko: ndege mō h͈am lu mu buga def.

⁷ Philip tontu ko, ne, Ñar tēmēr i transu mburu du len doy, ndah͈ ku neka jel tuti.

⁸ Kena chi talube am ya, Andrew, rak’ i Simon Peter, ne ko,

⁹ H͈alel angile bu am jurom i mburu, ak ñar i jen: wande ana lu lile di faj chi mbōlo mu ni day?

¹⁰ Yesu ne, Tōglo len nit ñi. Ñah͈ mu bare nek’ on na cha bereb ba; te nit ña tōg chi suf, lu jem chi jurom i njūne potah͈.

¹¹ Yesu nak jel mburu ya, te ba mu jebale ngerem, mu sedātle len ña tōg; ak jen ya itam cha naka ñu buge.

¹² Te ba ñu leke be sūr, mu ne i talube am, Dajale len dogit yi chi des, ndah͈ bul chi dara yah͈u.

¹³ Tah͈na ñu dajale len, be fêsal cha fuk’ i sendel ak ñar chi i dogit i mburu ya cha des on, cha la ñu lek’ on.

¹⁴ Ba nit ña gise koutef ga mu def on nak ñu ne, Chi dega kile di yonent ba di dika chi aduna si.

¹⁵ Yesu nak, ba mu h͈ame ne buga naño ñou di ko jel ak dōle, te fal ko bur, mu demati cha tūnda wa mōm reka.

¹⁶ Te ba ngon jote, i talube am dem cha gēch ga;

¹⁷ Te ñu duga chi gāl, te dal di jala gēch ga cha Capernaum. Te mu lendem, te Yesu ñouangul on fa ñom.

¹⁸ Te gēch ga yengatu, ndig ngelou lu rey lu don fuf.

¹⁹ Ba ñu jowe nak be fu sorey, ñu sēn Yesu mu di doh͈ cha kou gēch ga, te jegeñsi gāl ga, te ñu tīt.

²⁰ Wande mu ne len, Man la; bu len tīt.

²¹ Tah͈na ñu nangu jel ko cha gāl ga: te nōn’ ak nōna gāl ga aga cha jēri ja ñu buga dem.

²² Cha elek sa, mbōlo ma tah͈ou on cha genen wet i gēch ga gis on nañu ne bena gāl rek’ anga fa won, te Yesu dugul on cha gāl ga ak i talube am, wande i talube am bayako fa ñom dal;

²³ (Wande yenen gāl juge on nañu cha Tiberias, mu jegeñ bereb ba ñu leke won mburu ma, ganou ba Borom bi jebal on ngerem:)

²⁴ Ba mbōlo ma gise nak ne Yesu neku fa, mbāte i talube am, ñom it ñu duga chi gāl ya, te ñou chi Capernaum, di ūt Yesu.

²⁵ Te ba ñu ko gise cha genen wet i gēch ga, ñu ne ko, Rabbi, kañ nga ñou on file?

²⁶ Yesu tontu len, te ne, Chi dega, chi dega, mangi len di wah͈, Ūtu len ma ndege gis on ngēn i koutef, wande ndege lek’ on ngēn mburu ya be ngēn sūr.

²⁷ Bu len ligey ndig dūndu bu di sanku, wande ndig dūndu bu di deka be abada, ba len Dōm i nit ka di mayi: ndege mōm la Yalla Bay ba tan’ on.

²⁸ Ñu ne ko, Lan la ñu war a def, ndah͈ ñu di ligey i ligey i Yalla?

²⁹ Yesu tontu te ne len, Lile di ligey i Yalla, ndah͈ ngēn gum chi mōm ka mu yōni on.

³⁰ Ñu ne ko, Ban mandarga nga def, ndah͈ ñu di gis, te gum la? Ana lo ligey?

³¹ Suñu i bay lek’ on nañu manna ba cha manding ma; cha naka ñu bind’ on, ne, May on na len mburu cha asaman ñu leka.

³² Yesu ne len, Chi dega, chi dega, mangi len di wah͈, Musa mayul on len mburu ma cha asaman; wande suma Bay a len may mburu mu dega ma cha asaman.

³³ Ndege mburu’ Yalla ma mō di ma juge cha asaman, ti di maye dūnda chi aduna si.

³⁴ Ñu ne ko, Borom bi, may ñu mburu mile bel mos.

³⁵ Yesu ne len, Mā di mburu’ dūnda mi: ku ñou fi man du h͈īf, te ku gum chi man du mar muka.

³⁶ Wande wah͈ on nā len, ne, Da ngēn ma gis, te tah͈ul bentey ngēn gum.

³⁷ Ña ma Bay ba may ñepa, di nañu ñou fi man: te ku ñou fi man, du ma ko dah͈a muka.

³⁸ Ndege jugewu ma cha asaman ndah͈ ma def suma mbugel i bopa, wande mbugel i ka ma yōni on.

³⁹ Te mbugel i ka ma yōni on a di lile, ne ña mu ma may ñepa, du ma ñaka ken, wande dēkali ko cha kera bes ba.

⁴⁰ Ndege suma mbugel i Bay ba di bile, ne ku neka ku gis Dōm ji te gum chi mōm, di na am dūnda gu dul jêh͈; te di nā ko dēkali cha kera bes ba.

⁴¹ Tah͈na Yauod ya ñurumtu ko, ndege wah on na, ne, Mā di mburu ma juge won cha asaman.

⁴² Te ñu ne, Ndah͈ kile dowul Yesu, dōm i Yusufa, te ñu h͈am bay am ak ndey am? Naka la wah͈e, ne, Manga juge cha asaman?

⁴³ Yesu tontu te ne len, Bu len ñurumtu chi sēn bopa.

⁴⁴ Ken munul a ñou fi man, lu dul Bay ba ma yōni on h͈ēcha ko: te di nā ko dēkali cha kera bes ba.

⁴⁵ Binda nañu chi tēre’ yonent ya, ne, Nepa Yalla di na len jemantal. Ku neka mbōk ku dēga bāt i Bay ba, te jemantu, mu ñou fi man.

⁴⁶ Ken gisul Bay ba, ganou mōm ka juge won cha Yalla, mō gis on Bay ba.

⁴⁷ Chi dega, chi dega, ma ne len, Ku di gum, mō am dūnda gu dul jêh͈.

⁴⁸ Mā di mburu’ dūnda ma.

⁴⁹ Sēn i bay lek’ on nañu manna ba cha manding ma, te dē on nañu.

⁵⁰ Bile di mburu mi juge won cha asaman, ndah͈ nit mun ko leka, te du dē.

⁵¹ Mā di mburu’ dūnda ma juge won cha asaman: su kena leke chi mburu mile, di na dūnda bel mos: te mburu ma ma mayeji suma yaram la, wa ma jebaleji ndig dūnd’ i aduna si.

⁵² Yauod ya nak werante chi sēn bopa, ne, Naka la ñu nit kile mune joh͈ yaram am ñu leka?

⁵³ Yesu ne len mbōk, Chi dega, chi dega, mangi len di wah͈, Su ngēn lekule yaram i Dōm i nit ki, te nānu len deret am, du len am dūnda chi yēn.

⁵⁴ Ku di leka suma yaram, te nān suma deret, am na dūnda gu dul jêh͈; te di nā ko dēkaliji cha kera bes ba.

⁵⁵ Ndege suma yaram dūndu’ dega la, te suma deret nān i dega la.

⁵⁶ Ku di leka suma yaram te nān suma deret, deka na chi man, te man chi mōm.

⁵⁷ Naka ma Bay ba di dūnda yōne, te mā dūnda ndig Bay ba; nōgule la itam ka ma di leka, di na dūnda ndig man.

⁵⁸ Bile di mburu ma juge won cha ajana: dowul mburu ma bay ya lek’ on, te dē: ku di leka mburu mile di na dūnda bel mos.

⁵⁹ Yef yile la wah͈ on cha juma ja, ba mu jemantal on cha Capernaum.

⁶⁰ Lu bare chi i talube am nak, ba ñu dēge lile, ne, Wah͈ jile dīs na; ku ko mun a dēga?

⁶¹ Wande Yesu h͈am chi bop’ am ne i talube am ñurumtu nañu chi lile, te mu ne len, Ndah͈ lile tah͈ ngēn fakatalu?

⁶² Naka su ngēn gise Dōm i nit ka di yēg fa mu jek’ on a juge?

⁶³ Mō di nh͈el ma di dūndalo; yaram wi jeriñul dara: bāt ya ma len wah͈ nh͈el la, ak dūnda.

⁶⁴ Wande ñena chi yēn gumu len. Ndege Yesu h͈am on na cha ndôrte la ña gumul on, te ka ko di ori.

⁶⁵ Te mu ne, Lile tah͈ ma wah͈ on len, ne, ken munul a dika fi man, su ko ko Bay ba mayule.

⁶⁶ Ndig lile lu bare chi i talube am delu ganou, te andatu ñu ak mōm.

⁶⁷ Yesu ne fuk’ ak ñar ña, Ndah͈ yēn itam, da ngēn ma wocha?

⁶⁸ Simon Peter tontu ko, ne, Borom bi, fi kan la ñu ela dem? Yā am i bat i dūnda gu dul jêh͈.

⁶⁹ Te gum nañu, te h͈am, ne yā di kena ku sela ka juge fa Yalla.

⁷⁰ Yesu tontu len, ne, Ndah͈ du yēn lā tan’ on, fuk’ ak ñar ña, te kena chi yēn ab seytane la?

⁷¹ Lile nak wah͈ na ko ndig Judas, dōm i Simon Iscariot, ndege mō ko ori, kena chi fuk’ ak ñar ña.