John 4 - Linjil i Yesu Krista Suñu Borom bi 1907

¹ Ba Borom bi h͈ame nak ne Pharisee ya dēg’ on nañu ne Yesu angi don def te batise i talube yu gen a bare as John,

² (Wande Yesu du won batise, wande i talube am),

³ Mu bayako Judea, te demati cha Galilee.

⁴ Te mu ela jār cha bir Samaria.

⁵ Mu agsi nak fa dek’ i Samaria bu tūda Sychar, bu jegeñ tōl ba Yanh͈oba may on Yusufa dōm am:

⁶ Te tên i Yanh͈oba anga fa won. Yesu nak don na lota cha tūkê’m, te tōg nōgule cha tên ba. Chi jurom ben’ i wah͈tu la potah͈.

⁷ Bena jigen i Samaria ñou rôtsi ndoh͈. Yesu ne ko, May ma ma nān.

⁸ Ndege i talube am dem on nañu cha bir deka ba jendi dūndu.

⁹ Jigen i Samaria ja ne ko, Ana lu indi be you mi di Yauod nga di dagān nān chi man, te mā di jigen i Samaria? Ndege Yauod ya amu ñu soh͈la ak wā’ Samaria ya.

¹⁰ Yesu tontu te ne ko, So h͈am on maye’ Yalla, ak ki di wah͈ ak you, ne, May ma ma nān; kōn di nga ko dagān, te mu may la ndoh͈ i dūnda.

¹¹ Jigen ja ne ko, Borom bi, amu la dara lo rôte, te tên bi h͈ōt na: fo di jeleji ndoh͈ i dūnda mōmu?

¹² Ndah͈ yā gēti suñu bay Yanh͈oba, mi ñu may on tên bi, te mu nān cha, ak i dōm am, ak i nag am?

¹³ Yesu tontu te ne ko, Ku neka ku di nān chi ndoh͈ mile, di na delu marati:

¹⁴ Wande ku mu mun a don ku di nān chi ndoh͈ mi ma ko mayi, du marati muk; wande ndoh͈ mi ma ko mayi, di na neka chi bir am ab tên i ndoh͈ mu di nacha be cha dūnda gu dul jêh.

¹⁵ Jigen ja ne ko, Borom bi, may ma ndoh͈ mōmu, ndah͈ du ma marati, mbāte ñou file rôtsi.

¹⁶ Yesu ne ko, Demal ô sa jekar, te delusi file.

¹⁷ Jigen ja tontu te ne ko, Amu ma jekar. Yesu ne ko, Wah͈ nga dega, ne, Amu ma jekar:

¹⁸ Ndege jurom i jekar nga am on; wande ki nga am lēgi dowul sa jekar: lōla nga wah͈ chi dega.

¹⁹ Jigen ja ne ko, Borom bi, gis nā ne yonent nga.

²⁰ Suñu i bay ya jāmu on nañu chi tūnda wile, te ngēn ne, Jerusalem a di bereb fa nit war a jāmu.

²¹ Yesu ne ko, Jigen ji, gum ma, wah͈tu wā’nga dikasi be dōtu len jāmu Bay ba chi tūnda wile, mbāte cha Jerusalem.

²² Yēn a jāmu lu ngēn h͈amul: ño jāmu la ñu h͈am; ndege cha Yauod ya la h͈ewal juge.

²³ Wande wah͈tu wā’nga dikasi, te jot na, ba jāmukat yu dega ya di jāmu Bay ba chi nh͈el ak chi dega: ndege Bay ba ūt ña mel ni ñale ñu jāmu ko.

²⁴ Yalla Nh͈el la; te ña ko jāmu war nañu ko jāmu chi nh͈el ak chi dega.

²⁵ Jigen ja ne ko, H͈am nā ne Masiu di na dika (ka tūda Krista): su dike, di na ñu jangal yef yepa.

²⁶ Yesu ne ko, Man mi di wah͈ ak you mōm la.

²⁷ Fōfale i talube am ñou, te jomi ne ak jigen la don wah͈tānal; wande ken wah͈ul, ne, Lan nga ūt? mbāte, Lutah͈ nga wah͈tān ak mōm?

²⁸ Jigen ja nak bayi ndā am, te dem cha bir deka ba, te ne nit ña,

²⁹ Ñou len, sêt nit ka ma nitali li ma def on yepa: ndah͈ du mō di Krista?

³⁰ Nu gēna deka ba, te dika fa mōm.

³¹ Cha bōbale i talube am dagān ko, ne, Rabbi, na nga leka.

³² Wande mu ne len, Am nā dūndu bu ma leka bu ngēn h͈amul.

³³ Talube ya wah͈ante, ne, Ndah͈ kena indiwul lu mu leka?

³⁴ Yesu ne len, Suma dūndu mō di def mbugel i ka ma yōni on, te motali ligey am.

³⁵ Bu len wah͈, ne, Des na ñenent i wêr te ngōbte di na jot. Mangi len di wah͈, Yēkati len sēn i but, te sêt tōl ya, ne wêh͈ nañu jēg chi ngōbte.

³⁶ Ka di gōb am yōl, te dajale mēñef be chi dūnda gu dul jêh͈; ndah͈ ku di ji ak ku di gōb mun a boka banēh͈u.

³⁷ Chi lile la lēbātu bi dega, Kena ji, te kenen gōb.

³⁸ Yōni on nā len ngēn gōb lu ngēn ligeyul: ñenen a ligey on, te yēn a tabi chi sēn ligey.

³⁹ Te chi deka bōbale jopa chi wā’ Samaria ya gum on nañu chi mōm, ndig bāt i jigen ja sēde won, ne, Nitali na ma li ma def on yepa.

⁴⁰ Ba wā’ Samaria ñoue fi mōm, ñu dagān ko mu dal ak ñom: te mu dal fa ñar i fan.

⁴¹ Te ñenen ñu bare gum ndig bāt am;

⁴² Te ñu ne jigen ja, Lēgi nak dōtu ñu gum ndig sa bāt reka; ndege ñun it dēga nañu, te h͈am ne kile di Musalkat i aduna si chi dega.

⁴³ Ganou ñar i fan ya mu gēna fa dem cha Galilee.

⁴⁴ Ndege Yesu chi bop’ am, sēde won na ne yonent amul teranga chi rew am.

⁴⁵ Ba mu ñoue chi bir Galilee, wā’ Galilee ya nangu ko, ndege gis on nañu yef yepa ya mu def on cha h͈ewte ga: ndege ñom it dem on nañu cha h͈ewte ga.

⁴⁶ Mu ñouati nak cha Cana i Galilee, fa mu sopali won ndoh͈ ma biñ. Te bena kangam am on na, ka dōm am ju gōr opa cha Capernaum.

⁴⁷ Ba mu dēge ne Yesu juge on na Judea ñou chi Galilee, mu dem fa mōm, te dagān ko mu dika weral dōm am; ndege mungi buga dē.

⁴⁸ Yesu ne ko, Su ngēn gisule i mandarga ak i koutef, ngēn bañ a gum.

⁴⁹ Kangam ba ne ko, Borom bi, ñoual, bala suma dōm dē.

⁵⁰ Yesu ne ko, Demal sa yōn; sa dōm dūnda na. Nit ka gum bāt ba ko Yesu wah͈, te dem yōn am.

⁵¹ Te ba mu deme, i bukanēg am feka ko, ne ko dōm am dūnda na.

⁵² Mu lāj len chi wan wah͈tu la dal di gene. Ñu ne ko, Demba chi jurom ñar i wah͈tu, fēbar ba bayi ko.

⁵³ Bay ba h͈am nak ne cha wah͈tu wōwa la ko Yesu ne, Sa dōm dūnda na: te mu gum, ak ker am ñepa.

⁵⁴ Bile di ñarel i koutef ga Yesu def on, ba mu juge Judea dem fa Galilee.