John 3 - Linjil i Yesu Krista Suñu Borom bi 1907

¹ Nit i Pharisee ya am on na, ku tuda Nicodemus, kēlifa i Yauod ya:

² Kōkale ñou on na fi mōm chi gudi, te ne ko, Rabbi, h͈am nañu ne yā di jemantalkat ba bayako fa Yalla: ndege ken munul a def koutef yile nga def, su Yalla nekule ak mōm.

³ Yesu tontu te ne ko, Chi dega, chi dega, mangi la wah͈, Su nit jūduātule, du mun a gis ngur i Yalla.

⁴ Nicodemus ne ko, Naka la nit mune jūdu ba mu magete? Ndah͈ mun na duga chi bir i ndey am ñarel i yōn, te jūdu?

⁵ Yesu tontu, ne, Chi dega, chi dega, mangi la wah͈, Su nit jūduwule chi ndoh͈ ak Nh͈el ma, du mun a h͈araf chi ngur i Yalla.

⁶ La jūdu chi yaram wi yaram la; te la jūdu chi Nh͈el ma nh͈el la.

⁷ Bul jomi ndege da ma la wah͈, ne, Ela ngēn a jūduāt.

⁸ Ngelou li gelou na fa mu buga, te dēga nga rir am, wande h͈amu la fu mu bayako, te fu mu jem: nōnule la ku neka ku jūdu chi Nh͈el ma.

⁹ Nicodemus tontu te ne ko, Naka la yef yile mune am?

¹⁰ Yesu tontu te ne ko, Ndah͈ yā di jemantalkat i Israel, te h͈amu la yef yile?

¹¹ Chi dega, chi dega, ma ne la, Wah͈ nañu lu ño h͈am, te sēde lu ño gis; te nanguwu len suñu sēde.

¹² Su ma len wah͈e yef i aduna, te gumu len, naka ngēn di gume su ma len wah͈e yef i ajana?

¹³ Te kena yēgul on cha ajana, wande ka wach’ on cha ajana, Dōm i nit ka sah͈, ka neka cha ajana.

¹⁴ Te naka Musa yēkate won jān ja cha manding ma, nōnale sah͈ la ñu ela yēkati Dōm i nit ka;

¹⁵ Ndah͈ ku mu mun a don ku gum chi mōm di na am dūnda gu dul jêh͈.

¹⁶ Ndege Yalla sopa na aduna si be mu maye Dōm am ja di bajo, ndah͈ ku mu mun a don ku gum chi mōm du sanku, wande mu am dūnda gu dul jêh͈.

¹⁷ Ndege Yalla yōniwul on Dōm am chi aduna si ndah͈ mu ate aduna si; wande ndah͈ aduna si mucha chi mōm.

¹⁸ Ku gum chi mōm atewu ñu ko; ku gumul, ate nañu ko jēg, ndege gumul on chi tur i Dōm i Yalla ja di bajo.

¹⁹ Te bile di ate ba, ne lêr gi ñou na chi aduna si, te nit sopa lendem gi as lêr gi, ndege sēn i jefin bon na.

²⁰ Ndege ku neka ku di def lu bon bañ na lêr gi, te du ñou chi lêr gi, ndah͈ i jef am fêñ.

²¹ Wande ku di def dega gi, di na ñou chi lêr gi, ndah͈ i jef am fêñ ne chi Yalla la len ligey.

²² Ganou yef yōyu Yesu ak i talube am ñou on nañu cha suf i Judea; te mu jēki fa ak ñom te batise.

²³ Te John itam don na batise cha Ænon bu jegeñ Salim, ndege ndoh͈ mu bare anga fa won: te ñu di ñou di batisesi.

²⁴ Ndege bōba tejangu ñu on John chi kaso.

²⁵ Lājte jog nak chi digante i talube i John ak Yauod ya chi lu jem chi setalay.

²⁶ Te ñu ñou fi John, te ne ko, Rabbi, Kōkale nek’ on ak you ganou wala Jordan, ka nga sēde won, munga batise, te ñepa dika fa mōm.

²⁷ John tontu te ne, Nit munul a nangu dara, su ñu ko ko mayule cha ajana.

²⁸ Yēn chi sēn bopa sēde ngēn ma ne ma wah͈ on, ne, Dowu ma Krista, wande yōni nañu ma chi kanam am.

²⁹ Ka am seyt ba borom‐seyt ba la; wande h͈arit i borom‐seyt ba, ka tah͈ou te dēga ko, mō banēh͈u bu bare ndig bāt i borom‐seyt ba: suma banēh͈ bile mbōk motaliku.

³⁰ Mō ela doliku, wande mā ela wañiku.

³¹ Ka juge cha kou, chi kou ñepa la neka: ka juge aduna, chi aduna la boka, te lu boka chi aduna la wah͈: ka juge ajana, chi kou ñepa la neka.

³² La mu gis te dēga, lōlu la sēde; te ken nanguwul sēde am.

³³ Ka nangu sēde am, def na kaste am ne Yalla dega la.

³⁴ Ndege kōka Yalla yōni on, bāt i Yalla yi la wah͈: ndege joh͈ewul Nh͈el ma chi natu.

³⁵ Bay ba sopa na Dōm ja, te joh͈ na ko lu neka chi loh͈o am.

³⁶ Ku gum chi Dōm ja, am na dūnda gu dul jêh͈; wande ku gumul Dōm ja du gis dūnda, wande mer i Yalla deka ak mōm.