John 16 - Linjil i Yesu Krista Suñu Borom bi 1907

¹ Yef yile lā len wah͈, ndah͈ du len fakatalu.

² Di nañu len gēneji cha juma ya: chi dega wah͈tu wa di na jot ne ku mu mun a don ku len di rēy, di na dēfe ne defal na Yalla ligey.

³ Te yef yile la ñu di defi, ndege h͈amu ñu Bay ba mbāte man.

⁴ Wande yef yile lā len wah͈, ndah͈ bu sēn wah͈tu jote, di ngēn len fataliku naka ma len ko wah͈e won. Te wah͈u ma len on yef yile cha ndôrte la, ndege nek’ on nā ak yēn.

⁵ Wande lēgi mange dem fa ka ma yōni on; te ken chi yēn lāju ma, ne, Ana fo di dem?

⁶ Wande ndege wah͈ nā len yef yile, sēn h͈ol fês na ak nah͈ar.

⁷ Wande wah͈ nā len dega; genal na len ma dem: ndege su ma demule, Dalalkat ba du ñoui fi yēn; wande su ma deme, di nā ko yōni fi yēn.

⁸ Te bu mu ñoue, di na gāi aduna si chi bakar, ak chi njūbay, ak chi ate:

⁹ Chi bakar, ndege gumu ñu chi man;

¹⁰ Chi njūbay, ndege di nā dem fa Bay ba, te du len ma gisati;

¹¹ Chi ate, ndege gelouar i aduna sile ate nañu ko.

¹² Bentey am nā yef yu bare lu ma len wah͈, wande munu len ko muñ lēgi.

¹³ Wande bu mu ñoue ka di Nh͈el i dega ma, di na len jīte chi dega gi yepa: ndege du wah͈ chi bop’ am: wande yef yu mu di dēga yepa, yile la di wah͈i; te di na len yēgali yef ya di dika.

¹⁴ Di na ma magali; ndege di na jeli chi suma bos, te won len ko.

¹⁵ Lu mu mun a don lu Bay ba am mā ko mōm: lōlo tah͈ ma nôn, di na jeli chi suma bos, te won len ko.

¹⁶ Chi wah͈tu wu new du len ma sêtati; te chi wah͈tu wu new di ngēn ma gisati.

¹⁷ Nena chi i talube am nak wah͈ante, ne, Ana lu di lile mu wah͈ ñu? Chi wah͈tu wu new du len ma sêt; te chi wah͈tu wu new di ngēn ma gisati; ak, Ndege di nā dem fa Bay ba?

¹⁸ Ñu ne, Lu di lile mu wah͈, Chi wah͈tu wu new? H͈amu ñu lu mu wah͈.

¹⁹ Yesu h͈am ne buga nañu ko lāj, te mu ne len, Ndah͈ lājante ngēn chi li ma wah͈ on, ne, Chi wah͈tu wu new du len ma sêt, te chi wah͈tu wu new di ngēn ma gisati.

²⁰ Chi dega, chi dega, ma ne len, Di ngēn joyi te yuh͈u, wande aduna si di na banēh͈uji: di ngēn nah͈arluji, wande sēn nah͈ar di na sopalikuji chi banēh͈.

²¹ Jigen bu mu neke chi weradi di na am nah͈ar, ndege wah͈tu am jot na: wande ba mu jūre dōm am, dōtul fataliku weradi ga, ndig banēh͈ ndege nit jūdu na chi aduna si.

²² Te yēn nak, am ngēn nah͈ar lēgi; wande di nā len gisati, te sēn h͈ol di na banēh͈uji, te sēn banēh͈ ken du ko mun a jel.

²³ Te chi bes bobale du len ma lāj dara. Chi dega, chi dega, ma ne len, Su ngēn ñāne Bay ba lu neka chi suma tur, di na len ko mayi.

²⁴ Bentey ñānu len dara chi suma tur: ñān len, te di ngēn nangu, ndah͈ sēn banēh͈ motaliku.

²⁵ Yef yile lā len wah͈ chi i lēb: wah͈tu wa di na jot bu ma dul wah͈ati ak yēn chi i lēb, wande di nā len wah͈i bu set chi lu jem chi Bay ba.

²⁶ Chi bes bōbale di ngēn ñāni chi suma tur: te wah͈u ma len ne di nā len ñānal Bay ba;

²⁷ Ndege Bay ba mō len sopa, ndege man ngēn sopa, te gum ne fa Bay ba lā juge won.

²⁸ Da ma juge won fa Bay ba, te ñou chi aduna si: te di nā bayiati aduna si, te dem fa Bay ba.

²⁹ Talube am ya ne, Wah͈ nga lēgi bu set, te wah͈u la lēb.

³⁰ H͈am nañu lēgi ne h͈am nga yef yepa, te soh͈lawu la ne kena lāj la: lōlo tah͈ ñu gum ne fa Yalla nga juge won.

³¹ Yesu tontu len, ne, Ndah͈ gum ngēn lēgi?

³² Wah͈tu wa di na joti, te lēgi mu jot, ne di ngēn tasāro, ku neka chi yos am, te bayi ma man dal: wande dowul man dal a neka, ndege Bay ba’nge ak man.

³³ Yef yile lā len wah͈ ndah͈ chi man ngēn mun a am jama. Chi aduna si di ngēn am ngeten: wande na ngēn degerlo sēn hol; ndig fabi nā aduna si.