John 15 - Linjil i Yesu Krista Suñu Borom bi 1907

¹ Man mā di garap i biñ bu dega bi, te suma Bay a di beykat ba.

² Banh͈as bu neka chi man bu mēñul dōm, di na ko gor: te banh͈as bu neka bu mēña dōm, di na ko setal, ndah͈ mu mēña dōm yu gen a bare.

³ Yēn set ngēn jēg ndig bāt ba ma len wah͈ on.

⁴ Deka len chi man, te man chi yēn. Naka banh͈as bi munul a mēña dōm chi bop’ am, su dekule chi garap gi, nōnu yēn itam, su ngēn dekule chi man.

⁵ Man mā di garap i biñ bi, yēn a di banh͈as yi: ku deka chi man, te man chi mōm, mō di mēña dōm yu bare: ndege ganou man munu len a def dara.

⁶ Su kena dekule chi man, di nañu ko sani cha biti niki banh͈as, te di na lah͈; te ñu forati len, te sani len cha safara sa, te ñu laka.

⁷ Su ngēn deke chi man, te suma i bāt deka chi yēn, ñān len lu ngēn buga, te di nā len ko defal.

⁸ Chi lile la suma Bay ame ndam, ndah͈ ngēn mēña dōm yu bare; te nōnu ngēn di neka suma i talube.

⁹ Naka ma Bay ba sope, nōnu lā len sope itam: deka len chi suma nchofel.

¹⁰ Su ngēn dēnche suma i eble, di ngēn deka chi suma nchofel; naka ma dēnche suma i eble’ Bay, te deka chi nchofel am.

¹¹ Yef yile lā len wah͈, ndah͈ suma banēh͈ neka chi yēn, te ndah͈ sēn banēh͈ di motaliku.

¹² Bile suma eble la, ndah͈ ngēn sopante, cha naka ma len sope.

¹³ Ken amul nchofel gu upa gile, ne kena tedal bakan am ngir i h͈arit am.

¹⁴ Yēn a di suma i h͈arit, su ngēn di def yef yi ma len ebal.

¹⁵ Dōtu ma len tūda i jām; ndege jām bi h͈amul lu borom am di def: wande tūde nā len i h͈arit; ndege yef yi ma dēg’ on yepa chi suma Bay, yile yepa yēn lā ko h͈amlo.

¹⁶ Yēn tanu len ma won, wande mā len tan’ on, te santa len, ndah͈ ngēn dem te mēña dōm, te ndah͈ sēn mēñef deka: ndah͈ lu mu mun a don lu ngēn di ñān Bay ba chi suma tur, mu may len ko.

¹⁷ Yef yile lā len ebal, ndah͈ ngēn sopante.

¹⁸ Su len aduna si bañe, h͈am ngēn ne man la bañ on bala mu len di bañ.

¹⁹ Su ngēn bok’ on chi aduna si, aduna si don na sopi yos am: wande ndege boku len chi aduna si, wande mā len tan’ on chi aduna si, mōtah͈ be aduna si bañ len.

²⁰ Fataliku len bāt ba ma len wah͈ on, Jām upul borom am. Su ñu ma geten on, yēn la ñu di geteni itam; su ñu dēnch’ on suma bāt, kōn di nañu dēncha sēn bāt itam.

²¹ Wande yef yile yepa la ñu di defi ndig suma tur, ndege h͈amu ñu ka ma yōni on.

²² Su ma dikul on te wah͈ ak ñom, kōn amu ñu bakar: wande lēgi amu ñu tafanto chi sēn bakar.

²³ Ku ma bañ, suma Bay la bañ itam.

²⁴ Su ma deful on chi sēn digante ligey ya ken mosul on a def, amu ñu kon bakar: wande lēgi nak gis nañu te bañ ma ak suma Bay itam.

²⁵ Wande lile jot na, ndah͈ bāt ba ñu bind’ on chi sēn yōn motaliku, ne, Bañ nañu ma te defu ma dara.

²⁶ Wande bu Dalalkat ba ñoue, ka ma yōnisi fi yēn cha Bay ba, mu di Nh͈el i dega ma juge cha Bay ba, di na ma sēdeji:

²⁷ Te yēn itam a di sēdeji, ndege nek’ on ngēn ak man cha ndôrte la.